ନୂଆଦିଲ୍ଲୀ,୨୮/୦୪: ପାକିସ୍ତାନର ପୂର୍ବତନ କ୍ରିକେଟର ଶାହିଦ ଆଫ୍ରିଦି ପହଲଗାମରେ ହୋଇଥିବା ଆତଙ୍କୀ ଆକ୍ରମଣକୁ ନେଇ ଭାରତୀୟ ସେନା ଉପରେ ଆଙ୍ଗୁଳି ଉଠାଇଛନ୍ତି । ୧ ଘଣ୍ଟା ଧରି ଯେବେ ସେଠି ଘଟଣା ଘଟିଲା କେହି ଆସିଲେ ନାହିଁ । ଏହାର କିଛି ମିନିଟ୍ ପରେ ଦୋଷ ପାକିସ୍ତାନ ଉପରେ ଲଦି ଦେଲେ ବୋଲି କହିଛନ୍ତି ଶାହିଦ୍ ଆଫ୍ରିଦି ।

ପହଲଗାମ ହମଲାକୁ ନେଇ ଶାହିଦ୍ ଆଫ୍ରିଦ ଦେଇଥିବା ବୟାନର ଭିଡ଼ଓ ଭାଇରାଲ ହେଉଛି । ଯେଉଁଥିରେ ସେ କହିଛନ୍ତି,''୧ ଘଣ୍ଟା ଧରି ଆତଙ୍କୀ ସେଠାରେ ଲୋକଙ୍କ ଉପରେ ଆକ୍ରମଣ କରିଥିଲେ । ମାତ୍ର ୮ ଲକ୍ଷ ସେନାଙ୍କ ମଧ୍ୟରୁ ସେଠାକୁ କେହି ଆସିଲେ ନାହିଁ । ଆଉ ଯେବେ ଆସିଲେ ୧୦ ମିନିଟ୍ ଭିତରେ ପାକିସ୍ତାନ ଉପରେ ଦୋଷ ଲଦି ଦେଲେ । ନିଜେ ଭୁଲ କରୁଛନ୍ତି ନିଜେ ଲୋକଙ୍କୁ ମରାଉଛନ୍ତି ପୁଣି ଭିଡ଼ିଓରେ ଦେଖାଉଛନ୍ତି ସେମାନେ ବଞ୍ଚିଛନ୍ତି । ଏମିତି କରିବା କଥା ନୁହେଁ । ଭାରତ ବହୁତ ସହଜରେ ପହଲଗାମ ଘଟଣାରେ ପାକିସ୍ତାନକୁ ଦୋଷୀ କରିଦେଲା । ଯଦି କହୁଛ ତେବେ ପ୍ରମାଣ ଦିଅ ।''

Shahid Afridi is an apt example that terrorists don't always come with weapons.

They can be found on playgrounds as well; and can even be disguised as comedians. pic.twitter.com/gpHiyVoJne

— Pranav Mahajan (@pranavmahajan) April 28, 2025

ସେ ଆହୁରି କହିଛନ୍ତି,'' ଦେଖ କେହି ବି ଦେଶ ଆତଙ୍କବାଦକୁ ସମର୍ଥନ କରେ ନାହିଁ । କୌଣସି ବି ଧର୍ମ ଏହି ଘଟଣାକୁ ସମର୍ଥନ କରିବ ନାହିଁ । ଦୁଇ ପଡ଼ୋଶୀ ଦେଶ ହିସାବରେ ପରସ୍ପର ଧ୍ୟାନ ରଖିବା ଉଚିତ୍ । ଘଟଣାରେ ଯେଉଁ ନୀରିହ ଲୋକଙ୍କ ଜୀବନ ଯାଇଛି ତାହାକୁ ନେଇ ଆମେ ବି ଦୁଃଖିତ । ଆମକୁ ବି ସେଠୁ ଧମକ ମିଳେ । ଆମେ ଭାରତ ସହିତ ସବୁବେଳେ ଭଲ ସମ୍ପର୍କ ରଖିବାକୁ ଚେଷ୍ଟା କରିଛୁ । ତୁମ କବାଡ଼ି ଟିମ୍ ଖେଳିବାକୁ ଏଠାକୁ ଆସୁଛି ହେଲେ କ୍ରିକେଟ ଖେଳିବାକୁ ଦେଉନାହଁ । ଯଦି ବନ୍ଦ କରିବାର ଅଛି ତେବେ ସବୁ ଖେଳ ବନ୍ଦ କରିଦିଅ । ଯଦି ଚାଲିବାର ଅଛି ସବୁ ତରକାରେ ଚାଲ । ''