ନୂଆଦିଲ୍ଲୀ: ଆଇପିଏଲର ୪୬ତମ ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦିଲ୍ଲୀ କ୍ୟାପିଟାଲ୍ସକୁ ୬ ୱିକେଟ୍ରେ ପରାସ୍ତ କରିଛି। ଏହା ସହିତ ଦଳ ପଏଣ୍ଟ ଟେବୁଲରେ ପ୍ରଥମ ସ୍ଥାନରେ ମଧ୍ୟ ପହଞ୍ଚିଛି। ଆରସିବି ଅରୁଣ ଜେଟଲି ଷ୍ଟାଡିୟମରେ ଟସ୍ ଜିତି ପ୍ରଥମେ ବୋଲିଂ କରିବାକୁ ବାଛିଥିଲା। ପ୍ରଥମ ଇନିଂସରେ ବ୍ୟାଟିଂ କରି ଦିଲ୍ଲୀ ୮ ୱିକେଟ୍ ହରାଇ ୧୬୨ ରନ୍ ସଂଗ୍ରହ କରିଥିଲା। ବେଙ୍ଗାଲୁରୁ ୧୯ତମ ଓଭରରେ ୪ ୱିକେଟ୍ ହରାଇ ଲକ୍ଷ୍ୟ ହାସଲ କରିନେଇଥିଲା।
୧୬୩ ରନର ପିଛା କରୁଥିବା ଆରସିବି ମାତ୍ର ୨୬ ରନ ମଧ୍ୟରେ ୩ ୱିକେଟ ହରାଇଥିଲା। ଏହିଠାରୁ ବିରାଟ କୋହଲି ଏବଂ କୃଣାଲ ପାଣ୍ଡ୍ୟା ଚମତ୍କାର ପ୍ରଦର୍ଶନ କରି ଚତୁର୍ଥ ୱିକେଟ ପାଇଁ ୧୧୯ ରନର ଭାଗୀଦାରି ଖେଳିଥିଲେ। ଯାହା ଦଳକୁ ବିଜୟର ଦ୍ୱାରଦେଶକୁ ନେଇଯାଇଥିଲା। ଏହି ମ୍ୟାଚରୁ କୃଣାଲ ୭୩ ଏବଂ କୋହଲି ୫୧ ରନ୍ ସଂଗ୍ରହ କରିଥିଲେ। ଭୁବନେଶ୍ୱର କୁମାର ୩ଟି ଏବଂ ଜୋଶ ହାଜେଲଉଡ୍ ୨ଟି ୱିକେଟ ନେଇଥିଲେ।
