ନୂଆଦିଲ୍ଲୀ: ଡେରା ମୁଖ୍ୟ ଗୁରମିତ ରାମ-ରହିମ୍ଙ୍କର ବଢିଲା ମୁସ୍କିଲ। ସୁପ୍ରିମକୋର୍ଟ ୨୩ବର୍ଷ ପୁରୁଣା ହତ୍ୟାକାଣ୍ଡର ଏକ ମାମଲାରେ ମୁକ୍ତ କରାଯିବା ବିରୋଧରେ ସିବିଆଇ ଦ୍ୱାରା ଦାଏର ପିଟିସନରେ, ଡେରା ସଚ୍ଚା ସୌଦା ପ୍ରମୁଖ ଗୁରମିତ ରାମ ରହିମ ସିଂହଙ୍କୁ ନୋଟିସ ଜାରି କରିଛନ୍ତି ଏବଂ ଜବାବ ମାଗିଛନ୍ତି। ଦେଶର ମୁଖ୍ୟ ବିଚାରପତି (ସିଜେଆଇ) ଜଷ୍ଟିସ୍ ସଞ୍ଜିବ ଖାନ୍ନା ଓ ଜଷ୍ଟିସ୍ ସଞ୍ଜୟ କୁମାର ନୋଟିସ ଜାରି କରି ୨୦୦୨ର ମର୍ଡର ମାମଲାରେ ମୁକ୍ତ କରାଯାଇ ଥିବା ଆଉ ୪ଜଣ ଲୋକଙ୍କର ମଧ୍ୟ ଜବାବ ମାଗିଛନ୍ତି।
ପଞ୍ଜାବ ଏବଂ ହରିଆଣା ହାଇକୋର୍ଟ ଡେରାର ପୂର୍ବତନ ପ୍ରବନ୍ଧକ ରଣଜିତ ସିଂହଙ୍କ ହତ୍ୟା ମାମଲାରେ, ଗତ ବର୍ଷ ୨୮ମେ ୨୦୨୪ରେ ଗୁରମିତ ସିଂହ ଓ ଗୁରମିତ ସିଂହ ଏବଂ ଆଉ ୪ଜଣଙ୍କୁ ମୁକ୍ତ କରି ଦିଆ ଯାଇଥିଲା, ଯାହା ବିରୋଧରେ ସିବିଆଇ ସୁପ୍ରିମକୋର୍ଟରେ ପିଟିସନ ଦାଏର କରିଛନ୍ତି। ଚିଫ୍ ଜଷ୍ଟିସଙ୍କ ଅଧ୍ୟକ୍ଷତାରେ ଖଣ୍ଡପୀଠ କହିଛନ୍ତି କି, ଏହି ମାମଲାର ଶୁଣାଣି ପୂର୍ବରୁ ହିଁ ଜଷ୍ଟିସ୍ ବେଲା ଏମ୍ ତ୍ରିବେଦୀଙ୍କ ଅଧ୍ୟକ୍ଷତାର ପୀଠ କରୁଛନ୍ତି। ଏଥିପାଇଁ ଏହି ମାମଲାକୁ ଏବେ ଆଗାମୀ କାର୍ଯ୍ୟବାହୀ ପାଇଁ ତାଙ୍କର ପୀଠର ସାମ୍ନାରେ ଲିଷ୍ଟ କରାଯିବ।
ମାମଲାଟି ଥିଲା ଏମିତି -
୧୦ଜୁଲାଇ ୨୦୦୨ରେ ହରିଆଣାର କୁରୁକ୍ଷେତ୍ରର ଖାନପୁର କଲୋନୀରେ ରଣଜିତ ସିଂହଙ୍କୁ ଗୁଳି କରି ହତ୍ୟା କରାଯାଇ ଥିଲା। ଏହି ହତ୍ୟାକାଣ୍ଡର କାରଣ ସେହି ଅଜ୍ଞାତ ଚିଠି ସହ ଜଡ଼ିତ , ଯେଉଁଥିରେ ସିରସା ସ୍ଥିତ ଡେରା ମୁଖ୍ୟାଳୟରେ ଗୁରମିତ ରାମ ରହିମଙ୍କ ଦ୍ୱାରା ମହିଳାଙ୍କ ଯୌନ ଶୋଷଣର ଅଭିଯୋଗକୁ ଖୁଲାସା କରାଯାଇ ଥିଲା। ସନ୍ଦେହ ଥିଲା କି, ଡେରାର ତତ୍କାଳୀନ ପ୍ରବନ୍ଧକ ରଞ୍ଜୀତ ସିଂହ ସେହି ଚିଠିର ପ୍ରଚାର ପ୍ରସାର କରାଇ ଥିଲେ। ଏହି ଚିଠିରେ ଏହା ମଧ୍ୟ କୁହାଯାଇ ଥିଲା ଯେ, ଡେରାରେ କେମିତି ମହିଳା ଅନୁଗାମୀଙ୍କ ସହ ଦୁର୍ବ୍ୟବହାର କରାଯାଉ ଥିଲା। ଏହି ଚିଠି ସାର୍ବଜନିକ ହେବା ଓ ଡେରାର ମ୍ୟାନେଜରଙ୍କ ସଦିଗ୍ଧ ହତ୍ୟା ପରେ ବଡ଼ ସ୍ତରରେ ଲୋକଙ୍କ ଠାରେ ଉତ୍ତେଜନା ସୃଷ୍ଟି ହୋଇଥିଲା।
ଏହି ମାମଲାରେ ୨୦୨୧ରେ, ପଞ୍ଚକୁଲାର ବିଶେଷ ସିବିଆଇ ଅଦାଲତ ରଣଜିତ ସିଂହଙ୍କ ହତ୍ୟାକାଣ୍ଡରେ ସାମିଲ ହେବା ପାଇଁ ଗୁରମିତ ରାମ ରହିମ ଓ ଆଉ ଅନ୍ୟ ଚାରି ଜଣ – ଅବତାର ସିଂହ , କୃଷ୍ଣ ଲାଲ , ଜସବୀର ସିଂହ ଓ ସବଦିଲ ସିଂହଙ୍କୁ ଦୋଷୀ ସାବ୍ୟସ୍ତ କରାଯାଇ ଥିଲା। କୋର୍ଟ ସବୁ ୫ଦୋଷୀଙ୍କୁ ଆଜୀବନ କାରାଦଣ୍ଡର ସଜା ଶୁଣାଇ ଥିଲେ ଏବଂ ସମସ୍ତଙ୍କ ଉପରେ ଖୁବ୍ ଜୋରିମନା ମଧ୍ୟ ଲଗାଯାଇ ଥିଲା। ରାମ ରହିମଙ୍କ ଉପରେ ୩୧ ଲକ୍ଷ ଟଙ୍କା, ସବଦିଲ ସିଂହଙ୍କ ଉପରେ ୧.୫୦ ଲକ୍ଷ ଟଙ୍କା , ଜସବୀର ସଂହ ଓ କୃଷ୍ଣଲାଲଙ୍କ ଉପରେ ୧.୨୫ ଲକ୍ଷ ଟଙ୍କା ଓ ଅବତାର ସିଂହଙ୍କ ଉପରେ ୭୫,୦୦୦ଟଙ୍କାର ଜୋରିମନା ଲଗାଯାଇ ଥିଲା।
