ନୂଆଦିଲ୍ଲୀ,୦୫/୦୧: ଗୁଜୁରାଟ ପୋରବନ୍ଦରରେ ହେଲିକପ୍ଟର ଦୁର୍ଘଟଣାଗ୍ରସ୍ତ । ଏକ ଆଡ୍ଭାନ୍ସ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ତେବେ ଏଥିରେ ୩ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଟ୍ରେନିଂ ବେଳେ ଏହି ଦୁର୍ଘଟଣା ହୋଇଥିବା କୁହାଯାଉଛି।
ତେବେ ଅଧିକାରୀଙ୍କ କହିବାନୁସାରେ, ହେଲିକପ୍ଟରଟି ଯାନ୍ତ୍ରିକ ତ୍ରୁଟିର ସମ୍ମୁଖୀନ ହୋଇଥିଲା । ବିମାନରେ ୨ଜଣ ପାଇଲଟ୍ ଏବଂ ଅନ୍ୟ ତିନିଜଣ ଥିବା ବେଳେ ଅଧିକାରୀମାନେ ଏପର୍ଯ୍ୟନ୍ତ ଆହତଙ୍କ ସମ୍ପର୍କରେ କୌଣସି ବିବୃତ୍ତି ଦେଇନାହାଁନ୍ତି। ଭାରତୀୟ ତଟରକ୍ଷୀ ବାହିନୀ ଘଟଣାର ତଦନ୍ତ ଜାରି ରଖିଥିବା ସୂଚନା ମିଳିଛି। ସେହିପରି ଗତ ସେପ୍ଟେମ୍ବର ମାସରେ ALH Mk-III ନାମକ ଏକ ବିମାନ ପୋରବନ୍ଦର ନିକଟ ଆରବ ସାଗରରେ ଖସିପଡିଥିଲା। ତେବେ କୋଷ୍ଟଗାର୍ଡ ୧୬ ଟି ALH ଚଳାଇଥାଏ, ଯାହା ବେଙ୍ଗାଲୁରୁର ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ ଦ୍ବାରା ଡ଼ିଜାଇନ ହୋଇଛି।
