ଚେନ୍ନାଇ: ହ୍ୟୁମାନ୍ ମେଟାନ୍ୟୁମୋଭାଇରସ୍ (HMPV) ଚୀନ୍ ପରେ ଭାରତରେ କାୟା ମେଲାଇଲାଣି । ଚୀନ୍ରେ ଭୟାବହ ସ୍ଥିତି ଉପୁଜିଥିବା ବେଳେ ଭାରତରେ ଗୋଟିଏ ପରେ ଗୋଟିଏ ପଜିଟିଭ୍ ଚିହ୍ନଟ ହେଉଛନ୍ତି । କର୍ଣ୍ଣାଟକରେ ଦୁଇ, ଗୁଜରାଟରୁ ଜଣେ ଏବଂ ପଶ୍ଚିମବଙ୍ଗରୁ ଜଣେ ଏଚଏମପିଭି ପଜିଟିଭ୍ ଚିହ୍ନଟ ହୋଇଥିବା ବେଳେ ଆଜି ତାମିଲନାଡୁର ଚେନ୍ନାଇରେ ଦୁଇ ଜଣ ପିଲା ସଂକ୍ରମିତ ଥିବା ଜଣାପଡ଼ିଛି । ଏହାକୁ ମିଶାଇ ଦେଶରେ ମୋଟ ୬ ଏଚଏମପିଭି ମାମଲା ସାମ୍ନାକୁ ଆସିଛି । ଚେନ୍ନାଇର ଦୁଇ ଭିନ୍ନ ଭନ୍ନ ହସ୍ପିଟାଲରେ ଦୁଇଟି ମାମଲା ମିଳଛି । ଦୁଇ ସଂକ୍ରମିତଙ୍କୁ ନେଇ ଅଧିକ କଛି ସୂଚନା ହସ୍ତଗତ ହୋଇନାହିଁ ।
ଦେଶବ୍ୟାପୀ ୬ଟି ଏଚଏମପିଭି ମାମଲା ମିଳିଥିବା ବେଳେ ଭାରତ ସରକାର ଲୋକମାନଙ୍କୁ ଭୟ ନକରିବାକୁ କହିଛନ୍ତି । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଜେପି ନଡ୍ଡା କହିଛନ୍ତି, ହ୍ୟୁମାନ ମେଟାନ୍ୟୁମୋଭାଇରନ୍ କୌଣସି ନୂଆ ଭାଇରସ୍ ନୁହେଁ ଏବଂ ଦୀର୍ଘ ବର୍ଷ ଧରି ଦୁନିଆରେ ରହିଛି । ଏହାକୁ ନେଇ ସରକାର ସତର୍କ ରହିଛନ୍ତି । ଦେଶରେ କୌଣସି ପ୍ରକାର ସ୍ବାସ୍ଥ୍ୟ ସମ୍ବନ୍ଧୀୟ ଆହ୍ବାନ ଲାଗି ସ୍ବାସ୍ଥ୍ୟ ପ୍ରଣାଳୀ ସଂପୂର୍ଣ୍ଣ ରୂପେ ଆଲର୍ଟ ରହିଛି । ଚିନ୍ତା କରିବାର କାରଣ ନାହିଁ, ସରକାର ସ୍ଥିତି ଉପରେ ତୀକ୍ଷ୍ଣ ନଜର ରକିଛନ୍ତି ବୋଲି ଜେପି ନଡ୍ଡା କହିଛନ୍ତି ।
Human Metapneumovirus (HMPV) is not a new virus and has been circulating globally for many years.
— Jagat Prakash Nadda (@JPNadda) January 6, 2025
The health systems and surveillance networks of the country remain vigilant, ensuring the country is ready to respond promptly to any emerging health challenges. There is no cause… pic.twitter.com/IN1o5N38dq
ସେପଟେ କର୍ଣ୍ଣାଟକ ସ୍ବାସ୍ଥ୍ୟମନ୍ତ୍ରୀ ଦୀନେଶ ଗୁଣ୍ଡୁ ରାଓ କହିଛନ୍ତି,‘ମୋତେ ଲାଗୁନାହିଁ ଭୟ କରିବାର କୌଣସି କାରଣ ରହିଛି । କାରଣ ଏଚଏମପିଭି ନୂଆ ଭାଇରସ୍ ବା ଭୂତାଣୁ ନୁହେଁ ।’ସେ କହିଛନ୍ତି, ‘ଏହି ଭାଇରସ୍ ଦେଶରେ ପୂର୍ବରୁ ରହିଛି । ରିପୋର୍ଟ କହୁଛି, ଏହା ଭାରତରେ ଏଚଏମପିଭିର ପ୍ରଥମ ମାମଲା । କିନ୍ତୁ ଏହା ସତ ନୁହେଁ, ଦେଶରେ ପୂର୍ବରୁ ଏଚଏମପିଭି ଭାଇରସ୍ ରହିଛି । ଏହି ଭୂତାଣୁ ଦ୍ବାରା କେତେ ପ୍ରତିଶତ ଲୋକେ ସଂକ୍ରମିତ ହୁଅନ୍ତି, ଏଥିରେ କିଛି ନୂଆ କଥା ନାହିଁ । ’
ସେ ଆହୁରି କହିଛନ୍ତି, ୮ ମାସର ଶିଶୁର କୌଣସି ଯାତ୍ରା ସଂପର୍କିତ ଇତିହାସ ନାହିଁ । ତେଣୁ ଚାଇନାରୁ ଆସିଥିବା ଭାଇରସ୍ ସହ ଏହାର କୌଣସି ସଂପର୍କ ନାହିଁ । ଚୀନ୍ରେ ଏଚଏମପିଭିର ପ୍ରକୋପର କାରଣ ହେଉଛି ଏହାର ଏକ ନୂଆ ଭାରିଏଣ୍ଟ । ସେପଟେ ଆମ ପାଖରେ ସଂପୂର୍ଣ୍ଣ ତଥ୍ୟ ନାହିଁ ଏବଂ ଭାରତ ସରକାର ଏନେଇ ସ୍ପଷ୍ଟ ସୂଚନା ଦେଇନାହାନ୍ତି ବୋଲି କହିଛନ୍ତି ସ୍ବାସ୍ଥ୍ୟମନ୍ତ୍ରୀ ଦୀନେଶ ଗୁଣ୍ଡୁ ରାଓ ।
