ନୂଆଦିଲ୍ଲୀ, ୮/୧୦: ଦେଶକୁ ଚନ୍ଦ୍ରଯାନ-୩ର ଐତିହାସିକ ସଫଳତା ଦେଇଥିବା ଇସ୍ରା ମୁଖ୍ୟ ଏସ୍ ସୋମନାଥଙ୍କ କାର୍ଯ୍ୟକାଳ ସରିବାକୁ ଯାଉଛି । ଜାନୁଆରୀ ୧୪ ତାଙ୍କ କାର୍ଯ୍ୟକାଳର ଶେଷ ଦିନ । ତାଙ୍କ ସ୍ଥାନରେ ଡକ୍ଟର ଭି.ନାରାୟଣନ ଇସ୍ରୋର ନୂଆ ଅଧ୍ୟକ୍ଷ ନିଯୁକ୍ତ ହୋଇଛନ୍ତି । କେନ୍ଦ୍ର ସରକାରଙ୍କ କ୍ୟାବିନେଟ ନିଯୁକ୍ତି କମିଟି ପକ୍ଷରୁ ବିଜ୍ଞପ୍ତି ଜାରି ହୋଇଛି ।
Appointments Committee of the Cabinet has approved the appointment of V Narayanan, Director, Liquid Propulsion Systems Centre, Valiamala as Secretary, Department of Space and Chairman, Space Commission for a period of two years with effect from January 14 pic.twitter.com/DNQ8XzNydy
— ANI (@ANI) January 7, 2025
ଭାରତୀୟ ମହାକାଶ ଗବେଷଣା ସଙ୍ଗଠନର ନୂଆ ଅଧ୍ୟକ୍ଷ ନିଯୁକ୍ତ ହୋଇଛନ୍ତି ଡକ୍ଟର ଭି.ନାରାୟଣନ । ଆସନ୍ତା ୧୪ ତାରିଖରେ ସେ ଦାୟିତ୍ବ ଗ୍ରହଣ କରିବେ । ଇସ୍ରୋର ଜଣେ ପ୍ରତିଷ୍ଠିତ ବୈଜ୍ଞାନିକ ଭାବେ ନାରାୟଣନ ବର୍ତ୍ତମାନ ଏଲପିଏସସି (ଲିକ୍ୟୁଡି ପ୍ରପୁଲସନ ସିଷ୍ଟମ ସେଣ୍ଟର)ର ଅଧ୍ୟକ୍ଷ ଅଛନ୍ତି । ପ୍ରାୟ ୪୦ ବର୍ଷ ଧରି ସେ ଭାରତୀୟ ମହାକାଶ ଗବେଷଣା ସହ ଜଡିତ । ସେ ଆସନ୍ତା ୨ ବର୍ଷ ପର୍ଯ୍ୟନ୍ତ ଇସ୍ରୋ ଅଧ୍ୟକ୍ଷ ଦାୟିତ୍ବରେ ରହିବେ ।
ରକେଟ ଓ ମହାକାଶଯାନ ପ୍ରପୁଲସନ କ୍ଷେତ୍ରରେ ତାଙ୍କର ବିଶେଷ ଅଭିଜ୍ଞତା ରହିଛି । ଜିଏସଏଲଭି ଏମକେ-୩ ଯାନର ସି-୨୫ କ୍ରାୟୋଜେନିକ ପ୍ରୋଜେକ୍ଟର ସେ ପ୍ରକଳ୍ପ ନିର୍ଦ୍ଦେଶକ ଥିଲେ । ତାଙ୍କ ନେତୃତ୍ବରେ ଇସ୍ରୋର ଏକ ଟିମ ସି-୨୫ ଷ୍ଟେଜର ସଫଳ ବିକଶିତ କରିଥିଲା । ଏହା ସହିତ ଆଦିତ୍ୟ ମହାକାଶଯାନ, ଜିଏସଏଳଭି ଏମକେ-୩ ମିଶନ, ଚନ୍ଦ୍ରଯାନ-୩, ଚନ୍ଦ୍ରଯାନ -୨ ପ୍ରପୁଲେସନ ସିଷ୍ଟମରେ ଭି ନାରାୟଣନଙ୍କ ଯଥେଷ୍ଟ ଅବଦାନ ରହିଛି ।
ଭି. ନାରାୟଣନଙ୍କ ବିଷୟରେ- ବିଜ୍ଞାନ କ୍ଷେତ୍ରରେ ଡକ୍ଟର ଭି.ନାରାୟଣନ ନାମ ରହିଛି । ଏରୋସ୍ପେସ ଇଞ୍ଜିନିୟରିଂରେ ପିଏଚଡି ହାସିଲ କରିଛନ୍ତି । ବର୍ତ୍ତମାନ ସେ ଏଲପିଏସସି ନିର୍ଦ୍ଦେଶକ ଅଛନ୍ତି । ଭାରତୀୟ ମହାକାଶ ଗବେଷଣା ସଙ୍ଗଠନ ସହ ୪୦ ବର୍ଷର ଅଭିଜ୍ଞତା ସହ ଅନେକ ବଡ ପଦରେ ଦାୟିତ୍ବ ତୁଲାଇଛନ୍ତି । ସେ ରକେଟ ଓ ସ୍ପେସକ୍ରାପ୍ଟ ପ୍ରପୁଲେସନର ବିଦ୍ବାନ । ୧୯୮୪ରେ ସେ ଇସ୍ରୋରେ ଯୋଗ ଦେଇଥିଲେ । କ୍ୟାରିଅର ଆରମ୍ଭର ୪ ବର୍ଷ ସେ ବିକ୍ରମ ସାରାଭାଇ ସ୍ପେସ ସେଣ୍ଟରରେ ସାଉଣ୍ଡିଙ୍ଗ ରାକେଟସ୍, ସାଲିଡ ପ୍ରରୁଲେସନ କ୍ଷେତ୍ରରେ କାମ କରିଥିଲେ । ୧୯୮୯ରେ ଆଇଆଇଟି ଖଡଗପୁରରୁ କ୍ରାୟୋଜେନିକ ଇଞ୍ଜିନିୟରିଂରେ ଏକ ଟିମ୍ ଗଠନ କରିଥିଲେ ।
ଇସ୍ରୋର ବର୍ତ୍ତମାନ ଥିବା ମୁଖ୍ୟ ଏସ୍ . ସୋମନାଥ ୨୦୨୨ରୁ ଅଧ୍ୟକ୍ଷ ଭାବେ ନିଯୁକ୍ତ ହୋଇଥିଲେ । ତାଙ୍କ ନେତୃତ୍ବରେ ଆମେରିକା, ସୋଭିଏସ ୟୁନିୟନ ଏବଂ ଚୀନ ପରେ ଭାରତ ଜହ୍ନ ପାଖରେ ପହଞ୍ଚି ଥିଲା। ୨୦୨୩ ଅଗଷ୍ଟ ୨୩ରେ ଚନ୍ଦ୍ରଯାନ ମିଶନରେ ଜହ୍ନର ଦକ୍ଷିଣ ଧ୍ରୁବରେ ସଫ୍ଟ ଲାଣ୍ଡିଂ କରିଥିଲା । ବର୍ତ୍ତମାନ ମାନବ ମିଶନର ପ୍ରସ୍ତୁତି କରୁଛି ଭାରତ ।
