ନୂଆଦିଲ୍ଲୀ: କଙ୍ଗନା ରଣାଓ୍ବତ ଅଭିନୀତ ଏବଂ ନିର୍ଦ୍ଦେଶିତ ଚଳଚ୍ଚିତ୍ର ‘ଏମର୍ଜେନ୍ସି’ ସିବିଏଫସି ପାଖରୁ ସବୁଜ ସଂକେତ ପାଇବା ପରେ ରିଲିଜ୍ ହେବାକୁ ଯାଉଛି । ଏହାରି ମଧ୍ୟରେ ଖୋଦ କଙ୍ଗନା ରଣାଓ୍ବତ ଏମର୍ଜେନ୍ସି ଦେଖିବାକୁ ଓ୍ବାୟନାଡର କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ ନିମନ୍ତ୍ରଣ କରିଛନ୍ତି । ଏମର୍ଜେନ୍ସିରେ କଙ୍ଗନା ରଣାଓ୍ବତ ପୂର୍ବତନ ପ୍ରଧାନମନ୍ତ୍ରୀ ଏବଂ ପ୍ରିୟଙ୍କା ଗାନ୍ଧୀଙ୍କ ଜେଜେ ମା’ ଇନ୍ଦିରା ଗାନ୍ଧୀଙ୍କ ଭୂମିକା ନିଭାଇଛନ୍ତି ।
ଏକ ସାକ୍ଷାତକାରରେ ଅଭିନେତ୍ରୀ ଏବଂ ହିମାଚଳ ପ୍ରଦେଶର ମଣ୍ଡି ଲୋକସଭା ସାଂସଦ କଙ୍ଗନା ରଣାଓ୍ବତ ସଂସଦରେ ପ୍ରିୟଙ୍କା ଗାନ୍ଧୀଙ୍କ ସହ ସାକ୍ଷାତ ସମୟକୁ ମନେ ପକାଇଛନ୍ତି । ସେ କହିଛନ୍ତି, ‘ପ୍ରକୃତରେ ପ୍ରିୟଙ୍କା ଗାନ୍ଧୀଙ୍କୁ ସଂସଦରେ ଭେଟିଥିଲି । ତାଙ୍କୁ ଏମର୍ଜେନ୍ସି ଫିଲ୍ମ ଦେଖିବାକୁ କହିଥିଲି । ସେ ଉତ୍ସାହିତ ଥିଲେ । ଦେଖାଯାଉ ସେ ଫିଲ୍ମ ଦେଖିବାକୁ ଯାଉଛନ୍ତି କି ନାହିଁ ।
ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିବା ବେଳେ ମୁଁ ବହୁତ ସାବଧାନ ଥିଲି ବୋଲି କଙ୍ଗନା କହିଛନ୍ତି । ସେପଟେ କଂଗ୍ରେସକୁ ସବୁ ବେଳେ ଟାର୍ଗେଟ କରିଆସିଥିବା କଙ୍ଗନା ପୂର୍ବତନ ପ୍ରଧାନମନ୍ତ୍ରୀ ଇନ୍ଧିରା ଗାନ୍ଧୀଙ୍କୁ ଖୁବ ପ୍ରଶଂସା ମଧ୍ୟ କରିଛନ୍ତି । ଏମର୍ଜେନ୍ସି ସମୟର କିଛି ସମ୍ବେଦନ ଘଟଣାକୁ ବାଦ୍ ଦେଲେ ଇନ୍ଦିରା ଗାନ୍ଧୀଙ୍କ ଖୁବ ପ୍ରଶଂସକ ଥିଲେ ବୋଲି ସେ କହିଛନ୍ତି । ଜଣେ ମହିଳା ୩ ଥର ଦେଶର ପ୍ରଧାନମନ୍ତ୍ରୀ ହେବା ସହଜ କଥା ନୁହେଁ । ତାଙ୍କୁ ଲୋକେ ଖୁବ ଭଲ ପାଉଥିଲେ ବୋଲି କଙ୍ଗନା ରଣାଓ୍ବତ ହୋଇଛନ୍ତି । ତେବେ ଏମର୍ଜେନ୍ସି ଚଳଚ୍ଚିତ୍ର ୧୭ ଜାନୁଆରୀ ୨୦୨୫ରେ ବଡ଼ ପରଦାରେ ରିଲିଜ୍ ହେବାକୁ ଯାଉଛି ।
