ନୂଆଦିଲ୍ଲୀ,୦୯/୦୧: ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବଙ୍କ କାକା ରାଜପାଲ ସିଂହ ଯାଦବଙ୍କ ଦେହାନ୍ତ । ଆଜି ଭୋର ୪ ଟା ସମୟରେ ସେ ଶେଷ ନିଶ୍ବାସ ତ୍ୟାଗ କରିଛନ୍ତି ।ତେବେ ରାଜପାଲ ସିଂହ ଗୁରୁଗ୍ରାମର ମେଦାନ୍ତ ହସ୍ପିଟାଲରେ ଦୀର୍ଘ ଦିନ ଧରି ଅସୁସ୍ଥତା କାରଣରୁ ଚିକିତ୍ସିତ ଥିଲେ ଆଜି ପୈତୃକ ଗ୍ରାମ ସୈଫଇରେ ତାଙ୍କର ଶେଷକୃତ୍ୟ ସମ୍ପନ୍ନ ହେବ ।
ସେପଟେ ରାଜପାଲ ସିଂହ ଙ୍କ ବିୟୋଗରେ ଅଖିଳେଶ ଯାଦବ ଶୋକ ପ୍ରକାଶ କରିଛନ୍ତି । ଅଖିଳେଶ ଯାଦବ ଆଜି ପାଇଁ ଥିବା ତାଙ୍କର ସମସ୍ତ କାର୍ଯ୍ୟକ୍ରମ ବାତିଲ କରି ସୈଫାଇରେ ପହଞ୍ଚିଛନ୍ତି। ସେହିପରି ଶିବପାଲ ସିଂହ ଯାଦବ ପୂର୍ବରୁ ଇଟାୱାରେ ଉପସ୍ଥିତ ଅଛନ୍ତି। ଅଖିଳେଶଙ୍କ କାକା ରାଜପାଲ ସିଂହ ଯାଦବଙ୍କ ଶେଷକୃତ୍ୟ ତାଙ୍କ ପୈତୃକ ଗ୍ରାମ ସୈଫାଇରେ ଅନୁଷ୍ଠିତ ହେବ। ରାଜପାଲ ଯାଦବଙ୍କ ମୃତ୍ୟୁ ସମାଜବାଦୀ ପାର୍ଟି ଏବଂ ଯାଦବ ପରିବାରରେ ଶୋକର ଛାୟା ଖେଳିଯାଇଛି। ଏନେଇ ସମାଜବାଦୀ ପାର୍ଟି ମଧ୍ୟ ଟ୍ୱିଟ୍ କରି ଦୁଃଖ ପ୍ରକାଶ କରିଛି। ରାମ ଗୋପାଳ ଯାଦବ ସୋସିଆଲ ମେଡିଆରେ ଏକ ପୋଷ୍ଟ କରି ଲେଖିଛନ୍ତି, ‘ବହୁତ ଦୁଃଖର ସହିତ ମୁଁ ଆପଣଙ୍କୁ ଜଣାଉଛି କି ମୋ ସାନ ଭାଇ ରାଜପାଲ ସିଂହଙ୍କର ଆଜି ଭୋର ୪ଟାରେ ଗୁଡ଼ଗାଓଁର ମେଦାନ୍ତ ହସ୍ପିଟାଲରେ ଅକାଳ ବିୟୋଗ ହୋଇଛି । ତାଙ୍କର ଶେଷକୃତ୍ୟ ମୋ ଜନ୍ମସ୍ଥାନ ସୈଫଇରେ କରାଯିବ।”
