ରାୟପୁର : ଛତିଶଗଡ଼ର ମୁଙ୍ଗେଲି ଜିଲ୍ଲାରେ ଗୁରୁବାର ଏକ ବଡ଼ ଅଘଟଣ ଘଟିଛି। କୁହାଯାଉଛି ମୁଙ୍ଗେଲି ଜିଲ୍ଲାରେ ଏକ ମେଲ୍ଟିଂ ପ୍ଲାଣ୍ଟରେ ସାଇଲୋ ଖସି ପଡ଼ିବାରୁ ୪ଜଣ ଶ୍ରମିକଙ୍କ ମୃତ୍ୟୁ ହୋଇଛି । ଆଉ ୪ଜଣ ଫସି ରହିଥିବା ଆଶଙ୍କା କରାଯାଉଛି। ମୁଙ୍ଗେଲଲିର ପୁଲିସ ଅଧିକ୍ଷକ ଭୋଜରାମ ପଟେଲ କହିଛନ୍ତି କି, ଘଟଣାଟି ଜିଲ୍ଲାର ସାରାଗାଁ ଅଞ୍ଚଳ ସ୍ଥିତ ଏକ ମେଲ୍ଟିଂ ପ୍ଲାଣ୍ଟରେ ଦ୍ୱିପ୍ରହର ସମୟରେ ହୋଇଛି। ଲୁହାରେ ତିଆରି ଏହି ସାଇଲୋର ବ୍ୟବହୃତ ମାଲ୍କୁ ଏକ ସ୍ଥାନରେ ଜମା କରିବାକୁ କରାଯାଉଛି।
ପୁଲିସ ଅଧିକାରୀ କହିଛନ୍ତି କି, ଏହି ସାଇଲୋ ସାଇଟ୍ରେ ଥିବା ପାଖାପାଖି ୮ଜଣ ଶ୍ରମିକଙ୍କ ଉପରେ ଖସି ପଡ଼ିଥିଲା। ସୂଚନା ମିଳିବା କ୍ଷଣି ପୁଲିସର ଏକ ଟିମ୍ ଘଟଣା ସ୍ଥଳରେ ପହଞ୍ଚିଛନ୍ତି ଏବଂ ଉଦ୍ଧାର ଅଭିଯାନ ଆରମ୍ଭ ହୋଇ ଯାଇଛି। ଭଗ୍ନାବଶେଷ ତଳେ ଆହୁରି ଅନେକ ଶ୍ରମିକଙ୍କ ଫସି ରହି ଥିବାର ଆଶଙ୍କା କରାଯାଉଛି। ତାଙ୍କୁ ବାହାର କରିବାକୁ ପ୍ରୟାସ କରାଯାଉଛି। ଦୁର୍ଘଟଣାର ଶିକାର ହୋଇଥିବା ଶ୍ରମିକ ସାଇଟ୍ରେ କାମ କରୁଥିଲେ।
ମୁଙ୍ଗେଲି କଲେକ୍ଟର ରାହୁଲ ଦେବ କହିଛନ୍ତି କି, ମୁଙ୍ଗେଲିର ସାରାଗାଁରେ ଏକ ଲୁହା ତିଆରି କରୁଥିବା ଫ୍ୟାକ୍ଟ୍ରିର ସାଇଲୋ ଷ୍ଟ୍ରକଚର ଭାଙ୍ଗି ପଡ଼ିବାରୁ ଏହି ଦୁର୍ଘଟଣା ହୋଇଛି। ଆହତ ଶ୍ରମିକଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ପୁଲିସ ଓ ପ୍ରଶାସନ ଘଟଣା ସ୍ଥଳରେ ରହିଛନ୍ତି। ଉଦ୍ଧାର ଅଭିଯାନ ଜାରି ରହିଛି। ଜରୁରୀକାଳୀନ ସେବା ଓ ରେସ୍କ୍ୟୁ ଟିମ୍ ଫସି ରହିଥିବା ଶ୍ରମିକଙ୍କୁ ବାହାରକୁ ଆଣିବାରେ ଲାଗି ପଡ଼ିଛନ୍ତି। ଅଧିକାରୀମାନେ ସ୍ଥିତି ଉପରେ ନଜର ରଖିଛନ୍ତି।
