ନୂଆଦିଲ୍ଲୀ,୮।୧: ଚୀନ୍ର କରୋନ ଭାଇରସ୍ ପରେ HMPV ମାମଲା ବଢିବାରେ ଲାଗିଛି। ଏବେ ଭାରତରେ ୯ ଟି ମାମଲା ସାମନାକୁ ଆସିଛି। ନବମ କେସ୍ ବୁଧବାର ମୁମ୍ବାଇରେ ଦେଖିବାକୁ ମିଳିଛି। ଏଠାରେ ୬ ମାସର ଶିଶୁ ଏଚ୍ଏମ୍ପିଭି ଭାଇରସ୍ ସଂକ୍ରମିତ ହୋଇଛି। ଶିଶୁଟି ୧ ଜାନୁଆରୀରୁ ଅସୁସ୍ଥ ଥିଲା। କାଶ, ଛାତିରେ ଯନ୍ତ୍ରଣା, ଅକ୍ସଜେନ୍ ଲେବର ୮୪% ପର୍ଯ୍ୟନ୍ତ ଖସିବା ପରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏବେ ଶିଶୁଟି ଭଲ ଅଛି। ଚିକିତ୍ସା ପରେ ସ୍ଥିତି ନିୟନ୍ତ୍ରଣରେ ରହିଛି। ଏପର୍ଯ୍ୟନ୍ତ ମହାରାଷ୍ଟ୍ରରେ ଏଚ୍ଏମ୍ପିଭିର ୩, କର୍ଣ୍ଣାଟକ ଓ ତାମିଲନାଡୁରେ ୨ଟି ଲେଖାଏଁ, ପଶ୍ଚିମବଙ୍ଗ ଓ ଗୁଜରାଟରେ ଗୋଟିଏ ଲେଖାଏଁ ସଂକ୍ରମଣ ମାମଲା ଦେଖିବାକୁ ମିଳିଛି।
କେନ୍ଦ୍ର ସରକାର ବିଶ୍ବ ସ୍ବାସ୍ଥ୍ୟ ସଂଗଠନ ପୂର୍ବରୁ ହିଁ କହିଦେଇଛି ଯେ, ସମୟ ସମୟରେ ଏଚ୍ଏମପିଭି ଭାଇରସ୍ ସମ୍ପର୍କିତ ଅପଡେଟ୍ ଦେବା ଦରକାର। କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେପି ନଡ୍ଡା କହିଛନ୍ତି, ଭାରତ ସରକାର ଏହା ଉପରେ ନଜର ରଖିଛନ୍ତି। ଦେଶରେ କୌଣସି ପ୍ରକାର ସ୍ବାସ୍ଥ୍ୟ ସମସ୍ୟାକୁ ଚ୍ୟାଲେଞ୍ଜ ଦେବାକୁ ପ୍ରସ୍ତୁତ ଅଛୁ।
ଝାଡଖଣ୍ଡରେ ସ୍ବାସ୍ଥ୍ୟ ବିଭାଗର ନିର୍ଦେଶରେ ଏଚ୍ଏମ୍ପିଭିର ସନ୍ଦିଗ୍ଧଙ୍କ ସ୍କ୍ରିନି ପକ୍ରିୟା ବୁଧବାର ଆରମ୍ଭ ହୋଇଯାଇଛି। ରାଞ୍ଚି ସ୍ଥିତ ରାଜେନ୍ଦ୍ର ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ(ରିମ୍ସ) ଓ ଜମସେଦପୁର ସ୍ଥିତ ମହାତ୍ମା ଗାନ୍ଧୀ ମେମୋରିଆଲ ମେଡିକାଲକୁ କଲେଜ୍ର ନୋଡାଲ ସେଣ୍ଟର ତିଆରି କରି ସାମ୍ପଲର ଯାଞ୍ଚ ବ୍ୟବସ୍ଥା କରାଯାଇଛି। ସେପଟେ ବିହାରର ରାଜଧାନୀ ପାଟନାରେ ଜିଲ୍ଲା ପ୍ରଶାସନ ଲୋକଙ୍କୁ କେନ୍ଦ୍ର ଓ ରାଜ୍ୟ ସରକାରଙ୍କ ଦ୍ବାରା ଜାରି ଗାଇଡ୍ ଲାଇନ୍ ପାଳନ କରିବାକୁ କହିଛି। ସେଭଳି ପଡୋଶୀ ରାଜ୍ୟ ପଶ୍ଚିମବଙ୍ଗରେ ଏଚ୍ଏମ୍ପିଭି କେସ୍ ମିଳିବା କାରଣରୁ ସତର୍କ ରହିବାକୁ କୁହାଯାଇଛି। ଏୟାରପୋର୍ଟ, ରେଲଓ୍ବେ ଷ୍ଟେସନ୍ ଓ ବସ୍ଷ୍ଟାଣ୍ଡରେ ମଧ୍ୟ ସ୍କ୍ରିନିଂ ଆରମ୍ଭ କରିବାକୁ ନିର୍ଦେଶ ଦିଆଯାଇଛି। ସ୍ବାସ୍ଥ୍ୟମନ୍ତ୍ରୀଙ୍କ ନିର୍ଦେଶରେ ସବୁ ପ୍ରମୁଖ ହସ୍ପିଟାଲରେ ଆଇସୋଲେସନ୍ ଓ୍ବାର୍ଡ ତିଆରି କରାଯାଇଛି।
