ମୁମ୍ବାଇ,୦୮/୦୧: ସାଉଥ ସୁପରଷ୍ଟାର ୟଶ୍ ଆଜି ତାଙ୍କର ୩୯ ତମ ଜନ୍ମଦିନ ପାଳନ କରୁଛନ୍ତି । ଏନେଇ ତାଙ୍କୁ ଚାରିଆଡ଼ୁ ଛୁଟୁଛି ଶୁଭେଚ୍ଛାର ସୁଅ । ସେପଟେ ଅବସରେ ଅଭିନେତ ଫ୍ୟାନ୍ସଙ୍କୁ ଦେଇଛନ୍ତି ଖୁସି ଖବର । ତାଙ୍କ ଜନ୍ମଦିନ ଅବସରରେ ଆଗାମୀ ଫିଲ୍ମ 'ଟକ୍ସିକ'ର ଟିଜର ରିଲିଜ କରିଛନ୍ତି । ଯେଉଁଥିରେ ତାଙ୍କ ଲୁକ୍ ପସନ୍ଦ କରିଛନ୍ତି ଫ୍ୟାନ୍ସ । 

ତେବେ ୟଶ ମଧ୍ୟ ତାଙ୍କର ସୋସିଆଲ ମିଡ଼ିଆରେ ଫିଲ୍ମ ଟକ୍ସିକର ଟିଜର ସେୟାର କରିଛନ୍ତି । ଯେଉଁଥିରେ ତାଙ୍କୁ ଏକ ବାରରେ ଏଣ୍ଟ୍ରି କରି ବାର ନୃତ୍ୟଶିଳ୍ପୀଙ୍କ ସହ ରୋମାନ୍ସ କରୁଥିବା ନଜର ଆସିଛନ୍ତି । ଏଥିସହ ୟଶଙ୍କ ପ୍ରଥମ ଲୁକ୍ ଟିଜରରେ ଦେଖିବାକୁ ମିଳିଛି । ଗ୍ୟାଙ୍ଗଷ୍ଟାର ଲୁକରେ ନଜର ଆସିଛନ୍ତି ୟଶ । ଏଥିରେ ଅଭିନେତା ଏକ କ୍ରିମ୍ ରଙ୍ଗର ପୋଷାକ ସହ ଟୋପି ପିନ୍ଧିଛନ୍ତି । ତେବେ ଏହି ଫିଲ୍ମ ବିଂଶ ଶତାବ୍ଦୀ ଉପରେ ଆଧାରିତ ହେବ । ତାହା ହେଉଛି, ଏହି ଚଳଚ୍ଚିତ୍ରରେ ୧୯୭୦ ଦଶକର ଡ୍ରଗ୍ ମାଫିଆଙ୍କ କାହାଣୀ ଚିତ୍ରିତ ହେବ । ୟଶଙ୍କ ଏହି ଫିଲ୍ମ ୧୦ ଏପ୍ରିଲ ୨୦୨୫ରେ ପ୍ରେକ୍ଷାଳୟକୁ ଆସିବ । ଏହି ଚଳଚ୍ଚିତ୍ରର ନିର୍ଦ୍ଦେଶକ ହେଉଛନ୍ତି ଜାତୀୟ ପୁରସ୍କାର ବିଜେତା ଜିତୁ ମୋହନଦାସ, ଯିଏ ଲାଏରସ ଡାଏସ୍ ଏବଂ ମୁଥନ୍ ଭଳି ଚଳଚ୍ଚିତ୍ର ନିର୍ମାଣ ପାଇଁ ଜଣାଶୁଣା । କେଭିଏନ୍ ପ୍ରଡକ୍ସନ୍ ହାଉସ୍ ୟଶଙ୍କ ଫିଲ୍ମ 'ଟକ୍ସିକ୍' ପ୍ରସ୍ତୁତ କରିଛି । ପ୍ରକାଶ ଥାଉକି,  ୟଶ ଗତ ୧୭ବର୍ଷ ଧରି ଭାରତୀୟ ଚଳଚ୍ଚିତ୍ର ଶିଳ୍ପରେ କାର୍ଯ୍ୟ କରି ଆସୁଛନ୍ତି ।  କିନ୍ତୁ ସେ ୨୦୧୮ ରେ ମୁକ୍ତିଲାଭ କରିଥିବା ଚଳଚ୍ଚିତ୍ର KGF ଅଧ୍ୟାୟ ୧ ରୁ ବେଶ ପରିଚିତ ହୋଇଛନ୍ତି । କେଜିଏଫ୍ ପୂର୍ବରୁ ୟଶଙ୍କୁ ଅନେକ ଚଳଚ୍ଚିତ୍ରରେ ଦେଖିବାକୁ ମିଳିଥିଲା, କିନ୍ତୁ ଏହି ସମସ୍ତ ଚଳଚ୍ଚିତ୍ର କେବଳ କନ୍ନଡ ସିନେମାରେ ସୀମିତ ରହିଥିଲା ।