ନୂଆଦିଲ୍ଲୀ,୦୮/୦୧:ତାମିଲର ବେଶ୍ ଲୋକପ୍ରିୟ ଅଭିନେତା ଅଜିତ କୁମାର । ଦୁବାଇର ୨୪ ହାୱାର ରେସ୍ ୨୦୨୫ ପାଇଁ କରୁଥିଲେ ପ୍ରସ୍ତୁତି । ଏଥିରେ ସେ ଦୁର୍ଘଟଣା ଶିକାର ହୋଇଥିବା ବେଳେ ଅଳ୍ପକେ ବର୍ତ୍ତି ଯାଇଥିବା ସୂଚନା ମିଳିଛି । ତାଙ୍କର ବିଶେଷ କ୍ଷତି ହୋଇନଥିବା କଥା କୁହାଯାଇଛି ।
ସୂଚନା ମୁତାବକ, ଦୁବାଇରେ ହେବାକୁ ଥିବା ୨୪ ଆୱାର ରେସ୍ ୨୦୨୫ରେ ଭାଗ ନେବାକୁ ପ୍ରସ୍ତୁତି ଜାରି ରଖିଥିଲେ । ଏଥିପାଇଁ ସେ ଦୁବାଇ ଗ୍ରାଣ୍ଡ ଫିକ୍ସ ଅଭ୍ୟାସ ସମୟରେ ତାଙ୍କ କାର ଦୁର୍ଘଟଣାଗ୍ରସ୍ତ ହୋଇଥିଲା ।ଦ୍ରୁତ ଗତିରେ ଯାଉଥିବା କାରଟି ରେସିଂ ଟ୍ରାକ୍ କଡ଼ରେ ଥିବା ଏକ କାନ୍ଥରେ ମାଡ଼ ହୋଇଥିଲା। ଏହି ଭୟଙ୍କର ଦୁର୍ଘଟଣା ସମୟର ଭିଡିଓ ମଧ୍ୟ ଅଜିତ କୁମାରଙ୍କ ଅଫିସିଆଲ ଆକାଉଣ୍ଟରେ ମଧ୍ୟ ପୋଷ୍ଟ କରାଯାଇଛି । ଗାଡି ଦୁର୍ଘଟଣା ପରେ ତାଙ୍କ ଗାଡି ୪ ରୁ୫ ଥର ଘୁରି ଥିଲା । ହେଲେ ଅଭିନେତାଙ୍କର କୌଣସି କ୍ଷତି ହୋଇନଥିବା ବେଳେ ସେ କାର ଭିତରୁ ବାହାରୁଥିବା ଦେଖାଯାଇଛି । ତେବେ ଏହି ଭିଡିଓକୁ ସୋସିଆଲ ମିଡିଆରେ ଭାଇରାଲ ହେଉଥିବା ଦେଖିବାକୁ ମିଳିଛି।
