ନୂଆଦିଲ୍ଲୀ,୦୭/୦୧: ଏସୀୟ ଦେଶ ଇଣ୍ଡୋନେସିଆକୁ ବ୍ରିକ୍ସର ବିକାଶିତ ଦେଶର ଶ୍ରେଣୀ ମଧ୍ୟରେ ସାମିଲ କରାଯାଇଛି । ବ୍ରିକ୍ସରେ ଏଣ୍ଟ୍ରି ମାରିଛି ଇଣ୍ଡୋନେସିଆ । ବ୍ରିକ୍ସ ଅଧ୍ୟକ୍ଷତା କରୁଥିବା ବ୍ରାଜିଲ ଏ ନେଇ ଘୋଷଣା କରିଛି । ବ୍ରାଜିଲ ବୈଦେଶିକ ମନ୍ତ୍ରଣାଳୟ ୨୦୨୪ର ବ୍ରିକ୍ସ ଅଧକ୍ଷତା କରୁଛି ।
ବିଶ୍ବର ଅର୍ଥବ୍ୟବସ୍ଥାର ଔପଚାରିକ ସମୂହ ବ୍ରିକ୍ସରେ ଆଉ ଏକ ଦେଶକୁ ଏଣ୍ଟ୍ରି ମିଳିଛି । ଇଣ୍ଡୋନେସିଆ ବ୍ରିକ୍ସର ୧୧ତମ ଦେଶ ଭାବେ ସାମିଲ ହୋଇଛି । ବ୍ରାଜିଲ ବିଦେଶ ମନ୍ତ୍ରଣାଳୟ ଏହି ଘୋଷଣା କରି କହିଛନ୍ତି, ବ୍ରାଜିଲ ସରକାର ଇଣ୍ଡୋନେସିଆକୁ ବ୍ରିକ୍ସରେ ସାମିଲ ହେବାକୁ ସ୍ବୀକାର କରୁଛି । ଦକ୍ଷିଣ-ପୂର୍ବ ଏସୀୟାର ସବୁଠୁ ବଡ ଅର୍ଥବ୍ୟବସ୍ଥା ଏବଂ ଅଧିକ ଜନସଂଖ୍ୟା ଥିବା ଦେଶ ଇଣ୍ଡୋନେସିଆ ଅନ୍ୟ ବ୍ରିକ୍ସ ସଦସ୍ୟଙ୍କ ସହ ବୈଶ୍ବିକ ସଂସ୍ଥାନକୁ ସୁଧାରର ସମର୍ଥନ କରୁଛି ।
୨୦୦୬ରେ ହୋଇଥିଲା ଆରମ୍ଭ- ୨୦୦୬ରେ ନ୍ୟୁୟର୍କର ୟୁଏନଜିଏ ସମୟରେ ବ୍ରିକ୍ସ ନେତାଙ୍କ ପ୍ରଥମ ବୈଠକ ବସିଥିଲା । ୨୦୦୯ରେ ପ୍ରଥମ ବ୍ରିକ୍ସ ସମ୍ମିଳନୀ ଆୟୋଜିତ ହୋଇଥିଲା । ୨୦୧୦ରେ ବ୍ରିକ୍ସ ସମ୍ମିଳନୀରେ ଦକ୍ଷିଣ ଆଫ୍ରିକାକୁ ସାମିଲ କରାଯାଇଥିଲା । ଏହାପରେ ଏହି ସମୂହ ବ୍ରିକ୍ସ ନାମରେ ନାମିତ ହୋଇଥିଲା ।
୨୦୦୯ରେ ବ୍ରିକ୍ସର ଗଠନ ହୋଇଥିଲା । ଏଥିରେ ବ୍ରାଜିଲ, ଋଷ, ଭାରତ ଓ ଚୀନ ରହିଥିଲା । ୨୦୧୦ରେ ଦକ୍ଷିଣ ଆଫ୍ରିକା ସାମିଲ ହୋଇଥିଲା । ଗତବର୍ଷ ବ୍ରିକ୍ସ ସମୂହକୁ ବିସ୍ତାର କରି ଇରାନ, ମିଶ୍ରି, ଇଥୋପିଆ ଏବଂ ସଂଯୁକ୍ତ ଆରବ ଅମିରାତକୁ ସାମିଲ କରାଯାଇଥିଲା । ସାଉଦି ଆରବକୁ ନିମନ୍ତ୍ରଣ ଦିଆଯାଇଛି ମାତ୍ର ସେ ଏଯାବତ ସାମିଲ ହୋଇନାହିଁ । ତୁର୍କୀ, ଅଜରବେଜାନ ଏବଂ ମାଲେସିୟା ଔପଚାରିକ ଭାବେ ସଦସ୍ୟ ହେବାକୁ ଆବେଦନ କରିଥିଲେ । ବ୍ରିକ୍ସ ଏକମାତ୍ର ପ୍ରମୁଖ ଅନ୍ତରାଷ୍ଟ୍ରୀୟ ସମୂହ ଯେଉଁଥିରେ ଆମେରିକା ଅଂଶ ନାହିଁ । ଜି୨୦ରୁ ବ୍ରିକ୍ସ ହେବା ପରେ ଏହାର ଲୋକପ୍ରିୟତା ବଢିବାକୁ ଲାଗିଛି । ୨୦୨୪ରେ ୫ ନୂଆ ଦେଶ ଏହାର ଅଂଶ ହୋଇଥିଲେ । ବ୍ରିକ୍ସର ୧୬ତମ ଶିଖର ସମ୍ମିଳନୀ ୨୦୨୪ରେ କଜାନରେ ଆୟୋଜିତ ହୋଇଥିଲା । ଏହାର ଅଧକ୍ଷତା ଋଷ କରିଥିଲା ।
