ନୂଆଦିଲ୍ଲୀ: ଆମେରିକାର ଭାରତୀୟ ବଂଶୋଦ୍ଭବ ବ୍ୟବସାୟୀ ଏବଂ ମାଇକ୍ରୋସଫ୍ଟ ସିଇଓ ସତ୍ୟ ନାଡେଲା ସୋମବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି । ଏହି ସାକ୍ଷାତ ପରେ ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ଏକ୍ସରେ ଲେଖିଛନ୍ତି, ଆମ ଭିତରେ ଟେକନିକ୍, ନବସୃଜନ ଏବଂ ଏଆଇ ସଂପର୍କରେ ଆଲୋଚନା ହୋଇଛି । ସତ୍ୟ ନାଡେଲା ଏକ୍ସରେ ଲେଖିଛନ୍ତି, ଭାରତକୁ ଏଆଇ-ପ୍ରଥମ କରିବା ଦିଗରେ ମିଳିତ ଭାବରେ କାର୍ଯ୍ୟ କରିବାକୁ ବେଶ ଉତ୍ସାହିତ ଅଛି ।
ନାଡେଲା ପିଏମ ମୋଦୀଙ୍କ ସହ ଏକ ଫଟେ ସେୟାର କରି ଲେଖିଛନ୍ତି, ‘ ନେତୃତ୍ବ ଲାଗି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ । ଭାରତକୁ ଏଆଇ-ଫାଷ୍ଟ କରିବା ଲାଗି ଆମର ପ୍ରତିବଦ୍ଧତାକୁ ଆଗକୁ ବଢ଼ାଇବା ଏବଂ ଦେଶରେ ନିରନ୍ତର ସେବା ବିସ୍ତାର ଦିଗରେ ମିଳିତ ଭାବେ କାର୍ଯ୍ୟ କରିବା ଲାଗି ଉତ୍ସାହିତ ଅଛି । ଏଆଇ ପ୍ଲାଟଫର୍ମ ଜରିଆରେ ସବୁ ଭାରତୀୟଙ୍କୁ ଯେମିତି ଫାଇଦା ମିଳିବ ଏହା ଆମେ ସୁନିଶ୍ଚିତ କରିବୁ ।’
It was indeed a delight to meet you, @satyanadella! Glad to know about Microsoft's ambitious expansion and investment plans in India. It was also wonderful discussing various aspects of tech, innovation and AI in our meeting. https://t.co/ArK8DJYBhK
— Narendra Modi (@narendramodi) January 6, 2025
ନାଡେଲାଙ୍କ ଏହି ପୋଷ୍ଟର ଜବାବରେ ମୋଦୀ ଲେଖିଛନ୍ତି,‘ଆପଣଙ୍କ ସହ ସାକ୍ଷାତ ହୋଇ ସତରେ ଖୁସି ଲାଗିଲା ।ଭାରତରେ ମାଇକ୍ରୋସଫ୍ଟର ବିସ୍ତାର ଏବଂ ନିବେଶ ଯୋଜନା ସଂପର୍କରେ ଜାଣି ଖୁସି ହେଲି । ଆମର ଏହି ସାକ୍ଷାତ ସମୟରେ ପ୍ରଯୁକ୍ତିବିଦ୍ୟା, ନବସୃଜନ ଏବଂ କୃତ୍ରିମ ବୁଦ୍ଧିମତା ଉପରେ ଆଲୋଚନା ହୋଇଛି ।’ ଏହା ପୂର୍ବରୁ ଡିସେମ୍ବର ୩୦ରେ ସତ୍ୟ ନାଡେଲା ତେଲେଙ୍ଗାନା ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କୁ ସାକ୍ଷାତ କରିଥିଲେ ।
