ଶ୍ରୀନଗର,୦୫/୦୧: ଖାଇକୁ ଖସିଲା ବୋଲେରୋ ଗାଡି । ଘଟଣାସ୍ଥଳରେ ଚାଲିଗଲା ୪ ଜୀବନ । ଡ୍ରାଇଭରଙ୍କ ସମେତ ୨ ଜଣଙ୍କ ନିଖୋଜ ଅଛନ୍ତି । ଜମ୍ମୁ କାଶ୍ମୀର କିସ୍ତାୱାରରେ ଆଜି (ରବିବାର) ଏହି ଭୟଙ୍କର ସଡକ ଦୁର୍ଘଟଣା ଘଟିଛି । ଗାଡିରେ ମୋଟ ୬ଜଣ ଥିଲେ ।
ମିଳିଥିବା ସୂଚନା ଅନୁସାରେ, ବୋଲେରୋରେ ଲୋକମାନେ ପଦ୍ଦାରରୁ ମାସୁ ଗାଁ ଅଭିମୁଖେ ଯାଉଥିଲେ । ଏହି ସମୟରେ ଗାଡିଟି ନିୟନ୍ତ୍ରଣ ହରାଇଥିଲା । ଖାଇକୁ ଖସି ପଡିଥିଲା । ଘଟଣାସ୍ଥଳରେ ୪ଜଣଙ୍କର ମୃତ୍ୟୁ ହୋଇଥିଲା । ମୃତଦେହକୁ ଉଦ୍ଧାର କରାଯାଇ ବ୍ୟବଚ୍ଛେଦ ପାଇଁ ପଠାଇଯାଇଛି । ଡ୍ରାଇଭରଙ୍କ ସମେତ ୨ ଜଣ ନିଖୋଜ ଅଛନ୍ତି । ନିଖୋଜ ଥିବା ଦୁଇ ଜଣଙ୍କୁ ଖୋଜାଖୋଜି ଜାରି ରହିଛି । ଗାଡିଟି ଯେଉଁଠି ଖସିଲା ସେଠି ନଦୀ ଥିବାରୁ ସେମାନେ ଭାସି ଯାଇଥିବା ଅନୁମାନ କରାଯାଉଛି ।
କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ ସୋସିଆଲ ମିଡିଓ ଏକ୍ସରେ ଦୁର୍ଘଟଣା ବାବଦରେ ସୂଚନା ଦେଇ କହିଛନ୍ତି, ସେ କିସ୍ତାୱାର ଜିଲ୍ଲୀ କମିଶନର ରାଜେଶ କୁମାର ସାୱନଙ୍କ ଯୋଗାଯୋଗରେ ଅଛନ୍ତି । ଘଟଣା ବାବଦରେ ସମସ୍ତ ଅପଡେଟ ନେଉଛନ୍ତି। ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି ।
ଗତକାଲି (ଶନିବାର) ଜମ୍ମୁ କାଶ୍ମୀରର ବାନ୍ଦିପୁରା ଜିଲ୍ଲାରେ ଏକ ସେନା ଟ୍ରକ ଖାଇକୁ ଖସି ପଡିଥିଲା । ଏଥିରେ ୪ ଜଣ ଯବାନଙ୍କର ମୃତ୍ୟୁ ହୋଇଥିଲା । ଦିନକ ପରେ ପୁଣି ଏକ ଦୁର୍ଘଟଣା ଘଟି ୪ ଜଣଙ୍କର ମୃତ୍ୟୁ ହୋଇଛି ।
