ସାଲେପୁର ୦୧/୬ : ସାଲେପୁରରେ ନିର୍ବାଚନୀ ହିଂସା । ସାଲେପୁର ନିର୍ବାଚନ ମଣ୍ଡଳୀ ମାଳଶାସନ ପଞ୍ଚାୟତ ଅନ୍ତର୍ଗତ ମାଳଶାସନ ବିଦ୍ୟାଳୟର ୧୮୪ ଓ ୧୮୫ ବୁଥ୍ରେ ଦେଖିବାକୁ ମିଳିଛି ନିର୍ବାଚନୀ ହିଂସା ବିଜେଡି ଓ ବିଜେପି କର୍ମୀ ମୁହାଁମୁହିଁ ହୋଇଛନ୍ତି । ଯେଉଁଥିରେ ଜଣେ ବିଜେପିକର୍ମୀ ଆହତ ହୋଇଛନ୍ତି। ଗଣ୍ଡଗୋଳ ପରେ ଘଟଣାସ୍ଥଳରେ ଚାପାଉତ୍ତେଜନା ଦେଖିବାକୁ ମିଳିଛି।
ସୂଚନା ମୁତାବିକ, ଓଡ଼ିଶାରେ ଚତୁର୍ଥ ପର୍ଯ୍ୟାୟ ନିର୍ବାଚନ ଚାଲିଥିବା ବେଳେ ସାଲେପୁରରେ ନିର୍ବାଚନୀ ହିଂସା ଦେଖିବାକୁ ମିଳିଛି। ସାଲେପୁର ନିର୍ବାଚନ ମଣ୍ଡଳୀ ମାଳଶାସନ ପଞ୍ଚାୟତର ମାଳଶାସନ ବିଦ୍ୟାଳୟର ୧୮୪ ଓ ୧୮୫ ବୁଥରେ ନିର୍ବାଚନୀ ହିଂସା ଦେଖାଦେଇଛି l ମଳଶାସନ ବୁଥରେ ମତଦାନ ପ୍ରକ୍ରିୟାରେ ବ୍ୟତିକ୍ରମ ଦେଖି ବିଜେପି ଏଜେଣ୍ଟ ପ୍ରତିବାଦ କରିଥିଲେ । ଯାହାଫଳରେ ଅନ୍ୟ ଗୋଷ୍ଠୀର ଲୋକମାନେ ସଂଘବଧ ଭାବେ ଆକ୍ରମଣ କରିଥିଲେ । ପନିକି ସାହାଯ୍ୟରେ ମୁଣ୍ଡକୁ ଆକ୍ରମଣ କରିଥିଲେ। ଆକ୍ରମଣ ଶିକାର ହୋଇଛନ୍ତି ଅଭିଷେକ ପଣ୍ଡା ଓ ଏଜେଣ୍ଟ ସଞ୍ଜୟ ରାଉତ ରକ୍ତାକ୍ତ ହୋଇଛନ୍ତି । ତାଙ୍କୁ ଉଦ୍ଧାର କରାଯାଇ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଏନେଇ ପୋଲିସ ନିକଟରେ ମଧ୍ୟ ଅଭିଯୋଗ କରାଯାଇଛି।
