ମାଲକାନଗିରି/କାଲିମେଳା, ୨୦/୬ : ପାରିବାରିକ କଳହର କରୁଣ ପରିଣତି। ସ୍ତ୍ରୀକୁ କଟୁରୀରେ ହାଣି ହତ୍ୟା କଲା ସ୍ଵାମୀ। ଏପରି ଲୋମ ହର୍ଷଣକାରୀ ଘଟଣା ଘଟିଛି ମାଲକାନଗିରି ଜିଲ୍ଲା ମୋଟୁ ଥାନା ଅଧିନ ମହାରାଜପାଲୀ ପଞ୍ଚାୟତ କୋଇକୋଣ୍ଡା ଗ୍ରାମରେ। ମୃତ ମହିଳା ଜଣଙ୍କ ହେଲେ ଯୋଗୀ ସାଲବମ (୨୬ ବର୍ଷ)। 

ସୂଚନାନୁଯାୟୀ, ମୋଟୁ ଥାନା କାଟନପଲ୍ଲୀ ଗ୍ରାମର ଯୋଗୀ ଗତ ୬ ବର୍ଷ ତଳେ କୋଇକୋଣ୍ଡା ଗ୍ରାମର ନାଗା ସାଲବମଙ୍କୁ ବିବାହ କରିଥିଲେ। କିଛି ବର୍ଷ ପରେ ଦୁହିଁଙ୍କର ଏକ କନ୍ୟା ସନ୍ତାନ ଜନ୍ମ ହୋଇଥିଲା। ଅସୁସ୍ଥତା କାରଣରୁ କନ୍ୟାଟିର ମୃତ୍ୟୁ ହୋଇ ଯାଇଥିଲା। ସେବେଠାରୁ କିଛିନା କିଛି କଥାକୁ ନେଉ ଉଭୟଙ୍କ ମଧ୍ୟରେ ବଚସା ଲାଗି ରହୁଥିଲା। ଗତ ବର୍ଷ ଉଭୟଙ୍କ ମଧ୍ୟରେ ଅତ୍ୟଧିକ ଝଗଡା ହେବାରୁ ଯୋଗୀ ଘର ଛାଡି ନିଜ ଭାଇ ଦାନେଲ ଘରକୁ ପଳାଇ ଥିଲେ। ପରେ ଉଭୟ ପରିବାର ମଧ୍ୟରେ ବୁଝାସୁଝା କରି କାନି ସ୍ୱାମୀ ସହ ଫେରି ଥିଲେ। ଗତକାଲି ସକାଳେ ଉଭୟଙ୍କ ମଧ୍ୟରେ କୌଣସି କଥାକୁ ନେଇ ବଚସା ହୋଇଥିଲା। ସ୍ୱାମୀ ନାଗା ଏକ ଧାରୁଆ କଟୁରୀ ନେଇ କାନିର ବେକକୁ କାଟିବା ସହ ଶରୀରର ବିଭିନ୍ନ ଅଙ୍ଗକୁ କ୍ଷତ ବିକ୍ଷତ କରିଥିଲେ। ଘଟଣା ସ୍ଥଳରେ ପତ୍ନୀ କାନିର ମୃତ୍ୟୁ ଘଟିଥିଲା। ଏହି ଖବର ଗ୍ରାମବାସୀ ଜାଣିପାରି ମୋଟୁ ଥାନାକୁ ଜଣାଇଥିଲେ। ମୋଟୁ ଥାନା ପୁଲିସ ଘଟଣା ସ୍ଥଳରେ ପହଁଚିଥିଲେ।

ମୃତ ଶରୀର ଜବତ କରି ଶବ ବ୍ୟବଛେଦ ନିମନ୍ତେ ହସ୍ପିଟାଲକୁ ପଠାଇ ଦାଦନ୍ତ ଆରମ୍ଭ କରିଛନ୍ତି। ଅଭିଯୁକ୍ତ ସ୍ୱାମୀ ନାଗାକୁ ଗିରଫ ପୋଲିସ ଗିରଫ କରିଛି। ଥାନା ପକ୍ଷରୁ ମୋଟୁ ଥାନା କେସ ନମ୍ବର ୧୦୧/୨୪ ରେ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛନ୍ତି।