କୋଲକାତା: ଆଇପିଏଲ ୨୦୨୫ର ପ୍ରଥମ ମ୍ୟାଚ୍ କୋଲକାତା ନାଇଟ୍ ରାଇଡର୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ଖେଳାଯିବ। ଏହି ମ୍ୟାଚ୍ ଶନିବାର ଇଡେନ୍ ଗାର୍ଡେନ୍ସରେ ଖେଳାଯିବ। ଯଦି ରିପୋର୍ଟଗୁଡ଼ିକୁ ବିଶ୍ୱାସ କରାଯାଏ, ତେବେ ସିଜିନର ପ୍ରଥମ ମ୍ୟାଚ୍ ସମୟରେ ବର୍ଷା ହୋଇପାରେ । ଯଦି ବର୍ଷା ହୁଏ ତେବେ ମ୍ୟାଚ୍ ପ୍ରଭାବିତ ହୋଇପାରେ। ମ୍ୟାଚ୍ ପୂର୍ବରୁ ଏକ ଉଦଘାଟନୀ ଉତ୍ସବ ମଧ୍ୟ ହେବ। ଏଥିରେ ବଲିଉଡର ଅନେକ ପ୍ରସିଦ୍ଧ କଳାକାର ସାମିଲ ହେବେ ।
ଆଇପିଏଲର ଏହି ସିଜିନ୍ରେ ପ୍ରଥମ ମ୍ୟାଚ୍ ଦୁଇଟି ବଡ଼ ଦଳ ମଧ୍ୟରେ ଖେଳାଯିବାକୁ ଯାଉଛି। ଗତ ସିଜିନରେ KKR ଟାଇଟଲ ଜିତିଥିଲା। ଏବେ ସେ RCB ବିପକ୍ଷରେ ପ୍ରଥମ ମ୍ୟାଚ୍ ପାଇଁ ପଡ଼ିଆକୁ ଓହ୍ଲାଇବ । AccuWeather ରିପୋର୍ଟ ଅନୁଯାୟୀ, ଶନିବାର କୋଲକାତାରେ ବର୍ଷା ହୋଇପାରେ। ଯଦି ମ୍ୟାଚ୍ ପୂର୍ବରୁ ବର୍ଷା ହୁଏ, ତେବେ ଟସ୍ ବିଳମ୍ବିତ ହୋଇପାରେ ।
ପ୍ରବଳ ବର୍ଷା ହେଲେ, ଓଭର ସଂଖ୍ୟା ହ୍ରାସ କରାଯାଇପାରେ। ଆଇପିଏଲ ଲିଗ୍ ମ୍ୟାଚ୍ଗୁଡ଼ିକରେ ଅତି କମରେ ୫-୫ ଓଭର ଖେଳାଯାଇପାରିବ। ଯଦି ବର୍ଷା ଯୋଗୁଁ ଏହା ମଧ୍ୟ ସମ୍ଭବ ନହୁଏ, ତେବେ ମ୍ୟାଚ୍ ବାତିଲ ହୋଇପାରେ। ଏହି ପରିସ୍ଥିତିରେ, ଉଭୟ ଦଳ ଗୋଟିଏ ଲେଖାଏଁ ପଏଣ୍ଟ ପାଇବେ।
IPL 2025ର ଉଦଘାଟନୀ ଉତ୍ସବ ମଧ୍ୟ ଅନୁଷ୍ଠିତ ହେବାକୁ ଯାଉଛି। ଏଥିରେ ଅନେକ ବଲିଉଡ ସେଲିବ୍ରିଟି ସାମିଲ ହେବେ । ଆଇପିଏଲ ପକ୍ଷରୁ ଶ୍ରେୟା ଘୋଷାଲ ଏବଂ ଦିଶା ପଟାନିଙ୍କୁ ନିମନ୍ତ୍ରଣ କରାଯାଇଛି । ଶ୍ରେୟା ଘୋଷାଲ ନିଜର ସୁମଧୁର କଣ୍ଠରେଖେଳପ୍ରେମୀଙ୍କୁ ମତୁଆଲା କରିବେ । ଏହି ସମାରୋହରେ ଅରିଜିତ ସିଂହ ମଧ୍ୟ ସାମିଲ ହୋଇପାରନ୍ତି । ବିସିସିଆଇ ପଞ୍ଜାବୀ ଗାୟକ କରଣ ଆଉଜଲାଙ୍କୁ ମଧ୍ୟ ନିମନ୍ତ୍ରଣ କରିଛି ।
