ଭୁବନେଶ୍ୱର,୦୩/୦୪: ରେଭେନ୍ସା ବିଶ୍ଵବିଦ୍ୟାଳୟରେ ଛାତ୍ର ଅସନ୍ତୋଷ । ବିଶ୍ୱବିଦ୍ୟାଳୟ ପରିସରରେ ଅଣଛାତ୍ର ପଶି ହଷ୍ଟେଲ ଛାତ୍ର ମାନଙ୍କୁ ଆକ୍ରମଣ କରିଥିଵା ଅଭିଯୋଗରେ କିଛି ଛାତ୍ର କୁଳପତିଙ୍କ କାର୍ଯ୍ୟାଳୟ ଆଗରେ ଆମରଣ ଅନସନରେ ବସିଛନ୍ତି । ବୁଧବାର ଅପରାହ୍ନରୁ ୱେଷ୍ଟ ହଷ୍ଟେଲର ଛାତ୍ରମାନେ ଆମରଣ ଅନସନରେ ବସିଥିଲେ ମଧ୍ୟ ରେଭେନ୍ସା କର୍ତ୍ତୃପକ୍ଷ ସେମାନଙ୍କ ସହ କୈାଣସି ପ୍ରକାର ଆଲୋଚନା କରିନଥିବା ଛାତ୍ର ମାନେ ଅଭିଯୋଗ କରିଛନ୍ତି।
ଅନସନରେ ବସିଥିବା ଛାତ୍ରମାନଙ୍କ କହିବା ଅନୁସାରେ, ମାର୍ଚ୍ଚ ୩୧ତାରିଖ ସନ୍ଧ୍ୟାରେ କିଛି ଅଣଛାତ୍ର କ୍ୟାମ୍ପସକୁ ଆସି ଧମକ ଚମକ ଦେବା ସହ ଛାତ୍ର ମାନଙ୍କୁ ଅଶାଳୀନ ବ୍ୟବହାର ପ୍ରଦର୍ଶନ କରିଥିଲେ । କେବଳ ସେତିକି ନୁହେଁ, ମାଡ ମଧ୍ୟ ମାରିଥିଲେ । ଆକ୍ରୋଶର ଶୀକାର ଛାତ୍ରମାନେ ମାଲଗୋଦାମ ଥାନାରେ ସମ୍ପୃକ୍ତ ଅଣଛାତ୍ରମାନଙ୍କ ବିରୋଧରେ ଏତଲା ଦେବାକୁ ଯାଇଥିଲେ ମଧ୍ୟ ଥାନା କର୍ତ୍ତୃପକ୍ଷ ଏତଲା ରଖିନଥିବା ଛାତ୍ରମାନେ କହିଛନ୍ତି । ଏହି କାରଣରୁ ବୁଧବାର ଅପରାହ୍ନରୁ ୱେଷ୍ଟ ହଷ୍ଟେଲର ଛାତ୍ରମାନେ ଆମରଣ ଅନସନରେ ବସିଥିଲେ ମଧ୍ୟ ରେଭେନ୍ସା କର୍ତ୍ତୃପକ୍ଷ ସେମାନଙ୍କ ସହ କୈାଣସି ପ୍ରକାର ଆଲୋଚନା କରିନଥିବା ଛାତ୍ର ମାନେ ଅଭିଯୋଗ କରିଛନ୍ତି ।
ସେପଟେ ଆକ୍ରମଣକାରୀ ଅଣଛାତ୍ରଙ୍କ ଏତଲାକୁ ମାଲଗୋଦାମ ଥାନା କର୍ତ୍ତୃପକ୍ଷ ପଞ୍ଜିକରଣ କରି ମାଡ଼ ଖାଇଥିବା ଛାତ୍ରମାନଙ୍କ ବିରୋଧରେ ମାମଲା ରୁଜୁ କରିଥିବା ଅନସନରତ ଛାତ୍ରମାନେ ଅଭିଯୋଗ କରିଛନ୍ତି ।
