କଟକ, ୨।୪ : ନକଲି ପୋଲିସ ଅଫିସର ଗିରଫ। ଟାର୍ଗେଟରେ ଥିଲେ ଚାକିରି ଆଶାୟୀ। ପୋଲିସ ଅଫିସର ପରିଚୟ ଦେଇ ଚାକିରି ଆଶାୟୀଙ୍କୁ ଠକୁ ଥିଲେ । ଏଭଳି ଅଭିଯୋଗ ପାଇ ବାଦାମବାଡ଼ି ଥାନା ପୋଲିସ ଜଣେ ନକଲି ପୋଲିସ ଅଫିସରଙ୍କୁ ଗିରଫ କରିଛି। ନକଲି ପୋଲିସ ଅଧିକାରୀ ଜଣକ ହେଲେ ତିଗିରିଆ ନୂଆପାଟଣାର ଗୁଣ୍ଡିଚା ଦଳେଇ।
ଏବେ ହୋମଗାର୍ଡ ଚାକିରି ପାଇଁ ନିଯୁକ୍ତି ପ୍ରକ୍ରିୟା ଆରମ୍ଭ ହୋଇଛି। ଏହାର ସୁଯୋଗ ନେଇ ମାହାଙ୍ଗା ର ଜିତାଂଶୁ ପରିଡାଙ୍କୁ ହୋମଗାର୍ଡ ଚାକିରି କରାଇ ଦେଵା କହି ଗୁଣ୍ଡିଚା ଟଙ୍କା ଠକି ନେଇଥିବା ଡିସିପି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଚାକିରି ଆଶାୟୀଙ୍କ ଭିତରେ ଵିଶ୍ବାସ ଜନ୍ମାଇବା ପାଇଁ ଗୁଣ୍ଡିଚା ଫୋଲିସ ଇନ୍ସପେକ୍ଟରଙ୍କ ୟୁନିଫର୍ମ, ପରିଚୟ ପତ୍ର ଓ ଵ୍ୟାଚ ଆଦି ଵ୍ୟଵହାର କରୁଥିଲେ।ଏସବୁ ଜିନିଷ ପୋଲିସ ଅଭିଯୁକ୍ତଙ୍କ ନିକଟରୁ ଜଵତ କରିଛି। ଏହା ସହ ଅଭିଯୁକ୍ତଙ୍କ ଠାରୁ ପୋଲିସ ଗୋଟିଏ ଲାପଟପ,ପାଞ୍ଚଟି ମୋବାଇଲ ଫୋନ୍ ଓ ଗୋଟିଏ ଚେକ୍ ବୁକ୍ ଜଵତ କରିଛି।
ଅଭିଯୁକ୍ତ ଗୁଣ୍ଡିଚା ଆର ଆଇ, ଅମୀନ ଚାକିରି କରାଇ ଦେବାକୁ କହି ପ୍ରାୟ ୩୦ଜଣ ଯୁଵକ, ଯୁଵତୀଙ୍କୁ ଠକିଥିବା ଡିସିପି ସୂଚନା ଦେଇଛନ୍ତି। ଅଭିଯୁକ୍ତଙ୍କ ବ୍ୟାଙ୍କ ଆଟାଉଣ୍ଟକୁ ପୋଲିସ ଫ୍ରିଜ କରିଛି। ଏହା ସହ ଟଙ୍କା ନେଇ କୈାଣସି ଚାକିରି ପ୍ରଲୋଭନ ଦେଉଥିବା ବ୍ୟକ୍ତିଙ୍କ ସମ୍ପର୍କରେ ପୋଲିସକୁ ସୂଚନା ଦେଵା ପାଇଁ ଡିସିପି ଋଷିକେଶ ଖିଲାରି ନିବେଦନ କରିଛନ୍ତି।