ପ୍ରୟାଗରାଜ ୧୦/୦୨: ସୋମବାର ମହାକୁମ୍ଭ ପହଞ୍ଚିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସେ ସକାଳ ୧୧ଟାରେ ପ୍ରୟାଗରାଜ ପହଞ୍ଚିବାବେଳେ ସେଠାରେ ଅପରାହ୍ନ ୪ଟା ଯାଏ ରହିବାର କାର୍ଯ୍ୟକ୍ରମ ରହିଛି । ଏହି ସମୟରେ ସଙ୍ଗମ ନୋଜ୍ ପହଞ୍ଚି ତ୍ରିବେଣୀ ସଙ୍ଗମରେ ପବିତ୍ର ସ୍ନାନ ଓ ପୂଜା କରିବେ ସେ । ପରେ ଅକ୍ଷୟବଟ ଓ ବଡ଼େ ହନୁମାନ ମନ୍ଦିର ଦର୍ଶନ ସହିତ ପୂଜାର୍ଚ୍ଚନା କରିବାର କାର୍ଯ୍ୟକ୍ରମ ରହିଛି ।
ରାଷ୍ଟ୍ରପତି ଡିଜିଟାଲ୍ ମହାକୁମ୍ଭ ଅନୁଭବ କେନ୍ଦ୍ରର ଅବଲୋକନ କରିବେ । ସେଠାରେ ମହାକୁମ୍ଭ ମେଳା ସଂପର୍କରେ ବିସ୍ତୃତ ତଥ୍ୟ ପ୍ରଯୁକ୍ତି ମାଧ୍ୟମରେ ଉପଲବ୍ଧ । ରାଷ୍ଟ୍ରପତିଙ୍କ ଗସ୍ତକୁ ଦୃଷ୍ଟିରେ ରଖି ପ୍ରୟାଗରାଜରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏହି ସମୟରେ ତାଙ୍କ ସହିତ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ବି ଉପସ୍ଥିତ ରହିବେ । ଦେଶର ପ୍ରଥମ ନାଗରିକଙ୍କର ସଙ୍ଗମରେ ବୁଡ଼ ପକାଇବାର ଏହା ଐତିହାସିକ କ୍ଷଣ ହେବ । ଏହା ପୂର୍ବରୁ ଦେଶର ପ୍ରଥମ ରାଷ୍ଟ୍ରପତି ଡ.ରାଜେନ୍ଦ୍ର ପ୍ରସାଦ କୁମ୍ଭରେ ପବିତ୍ର ବୁଡ଼ ପକାଇଥିଲେ ।
