ଯାଜପୁର ରୋଡ, ୧୮।୮: ଯାଜପୁର ରୋଡ ବନବିଭାଗ ପକ୍ଷରୁ ଏକ କେନ୍ଦୁପତ୍ର ବୋଝେଇ ପିକଅପ୍ ଭ୍ୟାନ ଜବତ ହୋଇଛି । ସୂଚନା ମୁତାବକ ଲକ୍ଷାଧିକ ଟଙ୍କାର କେନ୍ଦୁପତ୍ର ଏକ ପିକଅପ୍ ଭ୍ୟାନରେ ବୋଝେଇ ହୋଇ କଲିକତାକୁ ଚୋରାଚାଲାଣ ହେଉଥିଲା । ଏହା ବୌଦ୍ଧ ଜିଲ୍ଲାରୁ ଯାଜପୁର ରୋଡ ଦେଇ କଲିକତା ଅଭିମୁଖେ ଯାଉଥିବା ପୋଲିସକୁ ସୂଚନା ମିଳିଥିଲା ।
ଘଟଣା ସମ୍ପର୍କରେ କୌଣସି ବିଶ୍ଵସ୍ତ ସୂତ୍ରରୁ ଖବର ପାଇଥିଲା ଯାଜପୁର ରୋଡ୍ ପୋଲିସ । ବନବିଭାଗ ଟିମ୍ର ପୂର୍ବ ପ୍ରସ୍ତୁତି ଅନୁଯାୟୀ ଯୋଜନାବଦ୍ଧ ଭାବେ ଗାଡ଼ି ଉପରେ ଚଢ଼ାଉ କରିଥିଲା । ପରେ ଏହି ପିକଅପ୍ ଗାଡ଼ିଟିକୁ ଜବତ କରିବାରେ ସଫଳ ହେଲା ବନବିଭାଗ ଟିମ୍ । ପରେ ମୁଖ୍ୟ ଅଭିଯୁକ୍ତ ଓ ଗାଡ଼ି ଚାଳକକୁ ଗିରଫ କରାଯାଇଛି ।
