ଲକ୍ଷ୍ନୌ: ନିକଟରେ ଗ୍ରାହକଙ୍କୁ ଛେପ ଲଗାଇ ମସାଜ୍ କରି ସେଲୁନ ମାଲିକ ଗିରଫ ହୋଇଥିଲେ । ଏହି ଘଟଣା ଉତ୍ତର ପ୍ରଦେଶର କନୌଜରେ ଘଟିଥିଲା । ଏବେ ଗାଜିଆବାଦ ଜିଲ୍ଲାରେ ଅଭାବନୀୟ ଘଟଣା ଘଟିଛି । ଜୁସ୍ରେ ପରିସ୍ରା ମିଶାଇ ବିକ୍ରି କରୁଥିଲେ ଦୋକାନୀ । ଗାଜିଆବାଦ ଜିଲ୍ଲାର ଲୋନି ବର୍ଡରରେ ଜଣେ ଜୁସ୍ ଦୋକାନୀ ଜୁସ୍ରେ ପରିସ୍ରା ମିଶାଉଥିବା ଜଣାପଡ଼ିଥିଲା। ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ଖୋଳତାଡ଼ ଆରମ୍ଭ କରିଥିଲା।
ଏହାପରେ ହଠାତ ଉକ୍ତ ଦୋକାନ ଉପରେ ଚଢ଼ାଉ କରି ପୋଲିସ ଯାଞ୍ଚ କରିଥିଲା। ଯାଞ୍ଚ ସମୟରେ ଏକ ଥଳି ପରିସ୍ରା ଥିବା ବେଳେ ତାହାକୁ ଜବତ କରାଯାଇଛି। ଏନେଇ ଦୋକାନୀଙ୍କୁ ପଚରାଉଚରା କରିବାରୁ ସେ କୌଣସି ସନ୍ତୋଷଜନକ ଉତ୍ତର ଦେଇପାରି ନଥିଲେ । ଫଳରେ ତୁରନ୍ତ ପୋଲିସ ତାଙ୍କୁ ଗିରଫ କରିଥିବା ବେଳେ ତାଙ୍କର ୧୫ ବର୍ଷୀୟ ପୁଅକୁ ଅଟକ ରଖି ପଚରାଉଚରା କରୁଛି ।
ଏହି ଘଟଣା ପ୍ରଚାରିତ ହେବା ପରେ ଲୋକେ ଜୁସ୍ ପିଇବାକୁ ଭୟ କଲେଣି । କିଛି ଦିନ ପୂର୍ବରୁ ଭାଇରାଲ ହୋଇଥିବା ଏକ ଭିଡିଓରେ ଏକ ଢାବାରେ ଜଣେ ବ୍ୟକ୍ତି ତନ୍ଦୁରୀ ରୁଟି ସେକୁଥିବା ବେଳେ ସେଥିରେ ଛେପ ମାରୁଥିବା ଦେଖିବାକୁ ମିଳିଥିଲା। ଏହାକୁ ନେଇ ମଧ୍ୟ ତୀବ୍ର ଅନ୍ତୋଷ ପ୍ରକାଶ ପାଇଥିଲା।
