ନୂଆଦିଲ୍ଲୀ: ମଧ୍ୟପ୍ରଦେଶର ଜବଲପୁରରେ ଏକ ବଡ଼ ସଡ଼କ ଦୁର୍ଘଟଣା ଘଟିଛି । ଏଠାରେ ଏକ ଯାତ୍ରୀବାହୀ ଅଟୋକୁ ଦୃତଗତିରେ ଆସୁଥିବା ଏକ ହାଇଓ୍ବା ଧକ୍କା ଦେଇଛି । ଦୁର୍ଘଟଣାରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୧୦ ଜଣ ଆହତ ହୋଇଛନ୍ତି । ସିହୋରାର ମଜଗବାନ ଥାନା ଅଂଚଳରେ ଏହି ଦୁର୍ଘଟଣା ଘଟିଛି । କୁହାଯାଉଛି କି ଅଟୋର ସମସ୍ତ ଯାତ୍ରୀ ଶ୍ରମିକ ଶ୍ରେଣିର ଥିଲେ । ସମସ୍ତ ଆହତ ମାନଙ୍କୁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି।

ସୂଚନା ମୁତାବକ ଅଟୋ ଡ୍ରାଇଭର ଶ୍ରମିକ ମାନଙ୍କୁ ନେଇ ଗାଁକୁ ଯାଉଥିଲେ। ଯେତେବେଳେ ସେ ଚଚଗଂବା ରୋଡ୍ ଦେଇ ଯାଉଥିଲେ, ଆଗରୁ ଆସୁଥିବା ହାଇଓ୍ବା ନିୟନ୍ତ୍ରଣ ବାହାରକୁ ଯାଇ ଅଟୋ ଉପରେ ଓଲଟି ପଡିଥିଲା । ଅଟୋ ଉପରେ ହାଇଓ୍ବା ଓଲଟି ପଡିବା ପରେ, ଶ୍ରମିକମାନେ ଅଟୋ ସହିତ ହାଇଓ୍ବା ତଳେ ପୋତି ହୋଇଯାଇଥିଲେ । 

ଦୁର୍ଘଟଣା ପରେ ନିକଟସ୍ଥ ଲୋକ ଓ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ।ଏହି ଖବର ପାଇବା ମାତ୍ରେ ପୋଲିସ କର୍ମଚାରୀ ମାନେ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିଲେ। ସେଠାରେ ଆହତଙ୍କ ଅବସ୍ଥା ଏବେ ଅତ୍ୟନ୍ତ ଚିନ୍ତାଜନକ ରହିଛି ।