ନୂଆଦିଲ୍ଲୀ, ୧୮/୯ : ଦାମ୍ପତ୍ତ୍ୟ ଜୀବନରେ ଡିଭୋର୍ସ ଏକ ବହୁ ବଡ଼ ନିଷ୍ପତ୍ତି । ଯାହାକୁ ଯେ କେହି ବି ବହୁ ଭାବି ଚିନ୍ତି ନେଇ ଥାନ୍ତି । କେତେକ ଥର ସାମାଜର ଚାପରେ ଲୋକେ ନ ଚାହିଁକି ବି ବାଧ୍ୟ ହୋଇ ବିବାହ ନିଭାଇ ଥାନ୍ତି । ମାତ୍ର ଧିରେ ଧିରେ ଏହି କ୍ଷେତ୍ରରେ ପରିବର୍ତ୍ତନ ଦେଖାଦେଇଛି । ଏବେ ମହିଳା ସାମାଜିକ ଚାପ ପୂର୍ବରୁ ନିଜ ଖୁସିକୁ ନଜର ରଖି ନିଷ୍ପତ୍ତି ନେଉଛନ୍ତି । ସ୍ବାମୀ-ସ୍ତ୍ରୀଙ୍କ ଡିଭୋର୍ସ ନେବାର ଆପଣମାନେ ବହୁ କାରଣ ଶୁଣିଥିବେ । ମାତ୍ର ଏବେ ଏକ ଏଭଳି ଆଶ୍ଚର୍ଯ୍ୟ କର ଘଟଣା ସାମ୍ନାକୁ ଆସିଛି ଯାହାକୁ ନେଇ ଆପଣ ବି ଚିନ୍ତିତ ହୋଇଯିବେ । କହିବେ ସତରେ କ’ଣ ଏଭଳି କାରଣ ହୋଇପାରେ ବିବାହ ବିଚ୍ଛେଦର। ପ୍ରତିଦିନ ନ ଗାଧୋଇବାକୁ ନେଇ ଉଭୟ ଦମ୍ପତ୍ତିଙ୍କ ମଧ୍ୟରେ ହୋଇଛି ଡିଭୋର୍ସ । ଆଜ୍ଞା ହଁ ଏହା ଆଶ୍ଚର୍ଯ୍ୟ ଲାଗୁଥିଲେ ବି ସତ । ଏଭଳି ଏକ ଘଟଣା ସାମ୍ନାକୁ ଆସିଛି ଆଗ୍ରାରୁ ।  ଜଣେ ମହିଳା ସ୍ବାମୀ ପ୍ରତିଦିନ ନ ଗାଧୋଇବାକୁ ନେଇ ଚିନ୍ତିତ ହୋଇ ଡିଭୋର୍ସ ନେବାର ନିଷ୍ପତ୍ତି ନେଇଛନ୍ତି । ବିବାହର ପ୍ରାୟ ୪୦ଦିନ ପରେ ମହିଳା କୋର୍ଟରେ ଡିଭୋର୍ସ ନେବା ଲାଗି ଆବେଦନ କରିଛନ୍ତି ।

ଆଗ୍ରାର ନବ ବିବାହିତ ମହିଳାଙ୍କ ଅନୁସାରେ ତାଙ୍କ ସ୍ବାମୀ ମାସରେ କେବଳ ଦୁଇ ଥର ଗାଧୋଇଥାନ୍ତି । ଯେଉଁ କାରଣରୁ ତାଙ୍କ ଶରୀରରୁ ଦୁର୍ଗନ୍ଧ ବାହାରୁଛି । ଏହି କାରଣରୁ ମହିଳା ଆଗ୍ରାର କୌଣସି ଫ୍ୟାମିଲି କାଉନସିଲିଂ ସେଣ୍ଟରରେ ଅଭିଯୋଗ କରି କହିଛନ୍ତି ଯେ ମୋ ସ୍ବାମୀ ନିଜ ଦେହର ଧ୍ୟାନ ଦେଉନାହାନ୍ତି। ଏଥିଯୋଗୁ ମୁଁ ଚାହୁଁନାହିଁ ତାଙ୍କ ସହ ରହିବାକୁ । ସେ ଏହା ବି କହିଛନ୍ତି କି ତାଙ୍କ ସ୍ବାମୀ ସପ୍ତାହରେ ଗୋଟିଏ କିମ୍ବା ଦୁଇ ଦିନ ନିଜ ଉପରେ ଗଙ୍ଗାଜଳ ପକାଇ ଦେଇଥାନ୍ତି । ମହିଳାଙ୍କ ଅନୁସାରେ ୪୦ଦିନର ବିବାହରେ ତାଙ୍କ ସ୍ବାମୀ କେବଳ ୬ଦିନ ଗାଧୋଇଛନ୍ତି । ଏବେ ମହିଳା ଜଣଙ୍କ ନିଜ ସ୍ବାମୀଙ୍କଠାରୁ ଅଲଗା ହେବାକୁ ଚାହୁଁଛନ୍ତି । ଯେଉଁଥିପାଇଁ ସେ କୋର୍ଟରେ ଆବେଦନ କରିଛନ୍ତି ।

ଏହି ଘଟଣା ଏବେ ସୋସିଆଲ ମିଡ଼ିଆରେ ଖୁବ୍ ଚର୍ଚ୍ଚା ସାଉଁଣ୍ଟୁଛି । ଏହାକୁ ନେଇ ବହୁ ୟୁଜର୍ସ ଭିନ୍ନ ଭିନ୍ନ କମେଣ୍ଟ ଦେବାରେ ଲାଗିଛନ୍ତି ।