ଆଠମଲ୍ଲିକ, ୨୮/୦୬ : ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ପୋଲିସ। ବୌଦ୍ଧ ଅଞ୍ଚଳରୁ ଆଠମଲ୍ଲିକ ଦେଇ ଗଞ୍ଜେଇ ଚାଲାଣ ହେଉଥିବା ବେଳେ ୨ ବେପାରୀଙ୍କୁ ଗିରଫ କରିଛି ଆଠମଲ୍ଲିକ ପୋଲିସ। ଗିରଫ ହୋଇଥିବା ୨ ଅଭିଯୁକ୍ତ ହେଲେ ଲୋକନାଥ ମେହେର ଓ ଶମ୍ଭୁ ନାଏକ।
ସୂଚନାନୁଯାୟୀ, ବୌଦ୍ଧ ଅଞ୍ଚଳରୁ ଆଠମଲ୍ଲିକ ଦେଇ ଗଞ୍ଜେଇ ଚାଲାଣ ହେଉଥିବା ନେଇ ଅନୁଗୁଳ ସ୍ପେଶାଲ୍ ସ୍କ୍ଵାଡ୍କୁ ସୂଚନା ମିଳିଥିଲା। ସ୍ପେଶାଲ ସ୍କ୍ଵାର୍ଡ୍ ନିର୍ଦ୍ଦେଶରେ ଆଠମଲ୍ଲିକ ଆଇଆଇସି ଓ ଅନ୍ୟ କର୍ମଚାରୀ ମାଣିକପଥର ନିକଟରେ ଛକି ବସିଥିଲେ। ଏହି ସମୟରେ ଲୋକନାଥ ମେହେର ଓ ଶମ୍ଭୁ ନାଏକ ଏକ ବାଇକ୍ ଯୋଗେ ବସ୍ତାରେ ଗଞ୍ଜେଇ ନେଇ ଯାଉଥିବା ବେଳେ ପୋଲିସ ସେମାନଙ୍କୁ କାବୁ କରିଥିଲା। ସେମାନଙ୍କ ନିକଟରୁ ୪ କେଜି ୮୭୦ ଗ୍ରାମର ଗଞ୍ଜେଇ ଜବତ ହୋଇଛି। ଏହା ସହ ୨ ବେପାରୀଙ୍କୁ ଗିରଫ କରିଛି ପୋଲିସ।