ନୂଆଦିଲ୍ଲୀ,୦୮/୦୪: ଅଭିନେତ୍ରୀ କଙ୍ଗନା ରାଣାଓ୍ବତ ସବୁବେଳେ ନିଜର ବ୍ୟକ୍ତିଗତ ତଥା ବୃତ୍ତିଗତ ଜୀବନକୁ ନେଇ ଚର୍ଚ୍ଚାରେ ଥାନ୍ତି । ସବୁବେଳେ ଅଭିନେତ୍ରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରଶଂସା କରୁଥିବାର ଦେଖାଯାଏ। ହେଲେ ଏବେ ସେ ପ୍ରଧାନମନ୍ତ୍ରୀ ମୋଦିଙ୍କୁ ଅବତାର ବୋଲି ମଧ୍ୟ କହିଛନ୍ତି, ଯାହା ପରେ ସେ ପୁଣି ଥରେ ସୋସିଆଲ ମିଡିଆର ଲାଇମଲାଇଟରେ ଆସିଛନ୍ତି। ସାଂସଦ କଙ୍ଗନା ରାଣାୱତ ପ୍ରଧାନମନ୍ତ୍ରୀ ଭାବରେ ମୋଦିଙ୍କ ଯାତ୍ରା ବିଷୟରେ ମଧ୍ୟ କହିଛନ୍ତି। ସେ କହିଛନ୍ତି ଯେ, ଆମେ ଆଜି ଏହି ଦିନ ଦେଖିଛୁ, କାରଣ ଗୋଟିଏ ସମୟ ଥିଲା ଯେତେବେଳେ ଲୋକମାନେ ରାଜନୀତିକୁ ଭଲ ମନେ କରୁନଥିଲେ ଏବଂ ଭୋଟ ଦେବାକୁ ମଧ୍ୟ ଯାଉନଥିଲେ। କିନ୍ତୁ ବର୍ତ୍ତମାନ ଚିନ୍ତାଧାରା ବଦଳି ଯାଇଛି।
କଙ୍ଗନା ଆହୁରି ମଧ୍ୟ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ଜଣେ ସାଧାରଣ ନାଗରିକ ନୁହଁନ୍ତି ବରଂ ଏକ ଅବତାର। ୨୦୧୪ ପୂର୍ବରୁ ମଧ୍ୟ ପ୍ରଧାନମନ୍ତ୍ରୀ ଥିଲେ, କିନ୍ତୁ ସେ ସମୟ ସଂଘର୍ଷର ଥିଲା। ସେ ମୁସଲିମ ମହିଳାଙ୍କ ସ୍ୱାର୍ଥ ବିଷୟରେ ଚିନ୍ତା କରିଥିଲେ ଏବଂ ଧାରା ୩୭୦ ଲାଗୁ କରି, ତିନି ତଲାକ ନାମରେ ମୁସଲିମ ମହିଳାଙ୍କ ଶୋଷଣ ବିଷୟରେ ଚିନ୍ତା କରିଥିଲେ। ୨୦୧୪ ପର୍ଯ୍ୟନ୍ତ ଆମେ ଭୋଟ ଦେବାକୁ ମଧ୍ୟ ଯାଇ ନଥିଲୁ, ଯାହା ଲଜ୍ଜାର ବିଷୟ। ଆମେ ନେତାମାନଙ୍କୁ ଘୃଣା କରିବା ଆରମ୍ଭ କରିଥିଲୁ, କିନ୍ତୁ ଏବେ ଆମେ ନିଜେ ରାଜନୀତିରେ ପ୍ରବେଶ କରିଛୁ। ଏବେ ପ୍ରଧାନମନ୍ତ୍ରୀ ମୋଦିଙ୍କ ରୂପରେ ଆମ ପାଖରେ ଜଣେ ଭଲ ନେତା ଅଛନ୍ତି। ସେଥିପାଇଁ କୁହାଯାଏ ଯେ ମୋଦି ଜଣେ ସାଧାରଣ ଲୋକ ନୁହଁନ୍ତି।
ଏହା ମଧ୍ୟ ପଢନ୍ତୁ- ଛତିଶଗଡ଼ ନାରାୟଣପୁର ଜିଲ୍ଲାରେ ଲ୍ୟାଣ୍ଡମାଇନ୍ ବିସ୍ଫୋରଣ, ଜଣେ ଯୁବକ ମୃତ ଅନ୍ୟ ଜଣେ ଗୁରୁତର
ଅନ୍ୟପଟେ କଙ୍ଗନା ରାଣାୱତ କଂଗ୍ରେସ ସରକାରଙ୍କୁ ଟାର୍ଗେଟ କରି କହିଛନ୍ତି ଯେ, ଯେତେବେଳେ ମୋଦି ସରକାର କୌଣସି ଜନହିତକର କାମ କରିବାକୁ ଚେଷ୍ଟା କରନ୍ତି, କଂଗ୍ରେସ ନେତାମାନେ ବିରୋଧ କରନ୍ତି। ୱାକଫ୍ ବୋର୍ଡ ପ୍ରସଙ୍ଗ ଉଠାଇ କଙ୍ଗନା କହିଛନ୍ତି ଯେ, ୱାକଫ୍ ବୋର୍ଡ ଭଳି ଆଇନରେ ସଂଶୋଧନ ଏକ ଐତିହାସିକ ନିଷ୍ପତ୍ତି କିନ୍ତୁ ବିରୋଧୀ ଦଳ ମଧ୍ୟ ଏହାକୁ ପସନ୍ଦ କରିନାହାଁନ୍ତି ଏବଂ ସେମାନେ ଏହାର ପ୍ରତିବାଦ କରୁଛନ୍ତି।
