ନୂଆଦିଲ୍ଲୀ : କୁହାଯାଏ କି , ଯେଉଁ ପରି ସ୍ୱପ୍ନ ଦେଖିବା ପାଇଁ ନିଦର ଆବଶ୍ୟକ ହୋଇଥାଏ, ସେହିପରି ସ୍ୱପ୍ନ ପୂରା କରିବା ପାଇଁ ପରିଶ୍ରମ ଓ ଦୃଢ ଇଚ୍ଛା ଶକ୍ତି ସହ ଧୈର୍ଯ୍ୟର ମଧ୍ୟ ଆବଶ୍ୟକ ରହିଛି। ବେଙ୍ଗାଲୁରୁର ସତ୍ୟା ଶଙ୍କରଙ୍କର କାହାଣୀ ମଧ୍ୟ ସେହିପରି, ସ୍ୱପ୍ନ , ସାହସ, ପରିଶ୍ରମ ଓ ନିଷ୍ଠା ଭଳି ସକାରାତ୍ମକ କଥାକୁ ନେଇ ହୋଇଛି ,ଯେଉଁଠି ସେ ଜଣେ ଅଟୋ ରିକ୍ସା ଡ୍ରାଇଭରରୁ ବିଶ୍ୱର ସବୁଠୁ ଲଗଜରୀ କାର ମଧ୍ୟରେ ଗୋଟିଏ ରୋଲ୍ସ ରୟସ୍ ଫ୍ୟାଣ୍ଟମ୍ର ମାଲିକ ହୋଇଛନ୍ତି । ଏହା ପଛରେ ରହିଛି ଏକ ଲମ୍ୱା ସଂଘର୍ଷପୂର୍ଣ୍ଣ ଯାତ୍ରା।
କାହାଣୀ ଆରମ୍ଭ ହୋଇଥାଏ ୧୯୮୦ର ଦଶକରୁ, ଯେବେ ସତ୍ୟା ଶଙ୍କର ବେଙ୍ଗାଲୁରୁର ସଡ଼କରେ ଅଟୋ ଚଲାଇବା ସମୟରେ ଦେଖୁ ଥିଲେ ଅନେକ ପ୍ରକାରର ସ୍ୱପ୍ନ । ଏହି ସହରରେ ନିଜର ପରିଚୟ ସୃଷ୍ଟି କରିବା ସହ ଜୀବନରେ ଆଗକୁ ଆଗେଇବାକୁ ସ୍ୱପ୍ନ ସଜାଡୁ ଥିଲେ। କ୍ରମେ ସମୟ ବଦଳିଗଲା , ସେ ଅଟୋ ପାଇଁ ଲୋନ୍ ଶୁଝିବା ପାଇଁ ଅଟୋ ବିକ୍ରି କରି ନିଜ ପାଇଁ ଆମ୍ୱାସାଡାର କାର୍ କିଣିଲେ। ପରେ , ସେ ଆଗେଇଲେ ଏବଂ ଅଟୋମୋଟିଭ୍ ଗ୍ୟାରେଜ୍ ଇଣ୍ଡଷ୍ଟ୍ରିରେ ପ୍ରବେଶ କଲେ ଏବଂ ଟାୟାର ସେଲିଂ ଆରମ୍ଭ କଲେ। କିନ୍ତୁ ଭାଗ୍ୟ ବୋଧେ ତାଙ୍କ ପାଇଁ ଆଉ କିଛି ସାଇଥି ଥିଲା। ୨୦୦୨ ମସିହାରେ , ସେ ଏସଜି କର୍ପୋରେଟ୍ସ ଏନଏଏସ ସହ ଏକ କମ୍ପାନୀ ତିଆରି କଲେ। ବିନ୍ଦୁ , ଜିରା , ମସାଲା ସୋଡା ସମେତ ଆହୁରି ଅନେକ ଜିନିଷ ବିକ୍ରି କଲେ। ଭାଗ୍ୟ ତାଙ୍କୁ ସହଯୋଗ କଲା ଏବଂ ଗତ ୨୩ ବର୍ଷରେ ସେ ଖୁବ୍ ଆଗେଇ ଗଲେ।
ଆଜି ସତ୍ୟା ଶଙ୍କରଙ୍କ ପାଖରେ ସବୁକିଛି ଅଛି ଏବଂ ଏହାସହ ଅଛି ରୋଲ୍ସ ରୟସ୍ ଫ୍ୟାଣ୍ଟମ ( Rolls Royce Phantom VIII) ଭାବେ ଏକ ଏମିତି କାର, ଯାହାକୁ ଦେଶ ଦୁନିଆର ଅଧିକାଂଶ ଲୋକ ସ୍ୱପ୍ନରେ ବି ଭାବି ପାରନ୍ତି ନାହିଁ। ସତ୍ୟା ଶଙ୍କରଙ୍କ ନୂଆ ରୋଲ୍ସ ରୟସ ଫ୍ୟାଟମ୍ର ଦାମ୍ ୧୧ କୋଟି ଟଙ୍କାରୁ ଅଧିକ ଅଛି ଏବଂ ଏଥିରେ ବିଶେଷ ଭାବେ ସତ୍ୟା ଶଙ୍କରଙ୍କ ପାଇଁ ତିଆରି ଲେଖା ଅଛି। ଏହି ଲଗଜରୀ ସେଡାନକୁ ଭାରତରେ ୨୦୧୮ ମସିହାରେ ଲଞ୍ଚ କରାଯାଇ ଥିଲା। ଏହାର ଲମ୍ୱ ୫.୭ ମିଟର ଏବଂ ଏଥିରେ ୩.୭ ମିଟରର ହ୍ୱିଲବେସ୍ ଦିଆଯାଇଛି।
ଆପଣଙ୍କୁ କହି ରଖୁଛି କି, ରୋଲ୍ସ ରୟସ ଫ୍ୟାଣ୍ଟସ ୮କୁ ଅଲ୍ ନ୍ୟୁ ଆଲ୍ୟୁମିନିୟମ ସ୍ପେସଫ୍ରେମ୍ ପ୍ଲାଟଫର୍ମରେ ପ୍ରସ୍ତୁତ କରାଯାଇଛି। ଯେଉଁପରି ଏହାର ଏକ୍ସଟିରିୟର ଖୁବ୍ ଜବରଦସ୍ତ ଅଛି, ସେହିପରି ଇଣ୍ଟିରିୟର ଖୁବ୍ ଆକର୍ଷଣୀୟ ଅଛି। ପରେ ଅନ୍ୟ ଫିଚର୍ସ ତ ଏମିତି ସବୁ ଅଛି ଯେ, ଲୋକଙ୍କ ହୋସ୍ ଉଡ଼ିଯିବ। ଏଥିରେ ୬.୭୫ ଲିଟରର ଟ୍ୱିନ୍ ଟର୍ବୋଚାର୍ଜଡ୍ ଭି -୧୨ ଇଞ୍ଜିନ ଦିଆ ଯାଇଛି। ଯାହାକି ହର୍ସପାୱାର ଓ ୯୦୦ ନ୍ୟୁଟନ ମିଟରର ପିକ୍ ଟର୍କ ଜେନେରେଟ୍ କରିଥାଏ। ଏହି ଲଗଜରୀ ସେଡାନରେ ୮ଟି ସ୍ପିଡ୍ ଅଟୋମେଟିକ୍ ଗିୟରବକ୍ସ ଦିଆ ଯାଇଛି।
