ନୂଆଦିଲ୍ଲୀ,୦୯/୦୪: ହଳଦିଆ ଏପରି ଏକ ରଙ୍ଗ ଯାହା ଶାନ୍ତି ଓ ବିନମ୍ରତାକୁ ସୂଚାଇଥାଏ । ହିନ୍ଦୁ ଧର୍ମରେ ହଳଦିଆ ରଙ୍ଗକୁ ଶୁଭ ବୋଲି ବିବେଚନା କରାଯାଏ । ଲୋକମାନେ ଯେ କୌଣସି ଶୁଭ କାମ ପାଇଁ ଏହି ହଳଦିଆ ରଙ୍ଗର ପୋଷାକ ପିନ୍ଧିଥାନ୍ତି । ହେଲେ ଆପଣ ଜାଣନ୍ତି କି ଦୁନିଆରେ ଏପରି ଏକ ଦେଶ ଅଛି, ଯେଉଁଠାରେ ହଳଦିଆ ରଙ୍ଗର ପୋଷାକ ପିନ୍ଧିବା ନିଷେଧ।
ତେବେ ମାଲେସିଆ ହେଉଛି ସେହି ଦେଶ। ଯେଉଁଠାରେ ଆପଣ ଚାହିଁଲେ ମଧ୍ୟ ଏହି ହଳଦିଆ ରଙ୍ଗର ପୋଷାକ ପିନ୍ଧିପାରିବେ ନାହିଁ। ଏଠାରେ ହଳଦିଆ ରଙ୍ଗ ପୋଷାକ ପିନ୍ଧିବା ସମ୍ପୂର୍ଣ୍ଣ ନିଷେଧ। ଆଉ ଏହି ନିୟମ ଉଲଘଂନ କଲେ ଜେଲ୍ ମଧ୍ୟ ହୋଇଥାଏ। ୨୦୧୬ ମସିହାରେ ଏଠାରେ ହଳଦିଆ ପୋଷାକ ପ୍ରତିବନ୍ଧିତ କରାଯାଇଥିଲା। କାରଣ ୨୦୧୬ ମସିହାରେ ମାଲେସିଆର କୁଆଲାଲମ୍ପୁରର ରାସ୍ତାରେ ହଜାର ହଜାର ଲୋକ ହଳଦିଆ ଟି-ସାର୍ଟ ପିନ୍ଧି ସରକାରଙ୍କ ବିରୋଧରେ ପ୍ରତିବାଦ କରିଥିଲେ।
ଏହା ମଧ୍ୟ ପଢନ୍ତୁ- ୱାକଫ ଆଇନର ସାମ୍ବିଧାନିକ ବୈଧତାକୁ ଚ୍ୟାଲେଞ୍ଜ୍, ୧୬ରେ ସୁପ୍ରିମକୋର୍ଟରେ ଶୁଣାଣି
ଏହି ସମୟ ମଧ୍ୟରେ ଲୋକମାନେ ପୂର୍ବତନ ପ୍ରଧାନମନ୍ତ୍ରୀ ନଜିବ ରାଜାକିଙ୍କ ଇସ୍ତଫା ଦାବି କରିଥିଲେ। ସେବେଠାରୁ, ହଳଦିଆ ରଙ୍ଗକୁ ସରକାରଙ୍କ ବିରୁଦ୍ଧରେ ପ୍ରତିବାଦର ପ୍ରତୀକ ଭାବରେ ବିବେଚନା କରାଯାଏ। ଲୋକଙ୍କ ସେହି ହଳଦିଆ ଟି-ସାର୍ଟରେ ଲେଖାଯାଇଥିଲା ଯେ ସ୍ୱଚ୍ଛ ଏବଂ ନିରପେକ୍ଷ ନିର୍ବାଚନ। ଯେଉଁ କାରଣରୁ ସେବେଠାରୁ ଏଠାରେ ହଳଦିଆ ପୋଷାକ ପିନ୍ଧିବା ନିଷେଧ କରାଯାଇଛି । ଏଥିସହ ଯଦି କେହି ଏହାକୁ ପିନ୍ଧିଥିବାର ନଜର ଆସେ , ତେବେ ତାଙ୍କୁ ଗିରଫ କରାଯାଏ।
