ମାଲକାନଗିରି /ଏମଭି୭୯, ୩/୪(ଆପ୍ର ) :ବନ ବିଭାଗ ପକ୍ଷରୁ ଚଢ଼ାଉ କରାଯାଇ ମୋଟୁ ସୀମାନ୍ତ ଚେକ ପୋଷ୍ଟ ନିଟରୁ ୩୦୮ ଟି ଜୀବନ୍ତ କଇଁଛ ଉଦ୍ଧାର କରାଯାଇଛି। ଏଥି ସହ ପିକଅପ ଭ୍ୟାନ ଓ ବାଇକ ଜବତ କରି ଦୁଇଜଣ ଚାଲାଣ କାରୀଙ୍କୁ ବନବିଭାଗ ଗିରଫ କରିଛି।
ବିଶ୍ୱତ ସୂତ୍ରରୁ ଖବର ପାଇ ଏମ ଭି ୭୯ ରେଞ୍ଜର ରଶ୍ମିରଂଜନ ସ୍ୱାଇଁ ଙ୍କ ନେତୃତ୍ୱରେ ଫରେଷ୍ଟେର ମୂରାଲୀଧର ଅନୁଗୁଳିଆ , ସମସ୍ତ ମୋଟୁ ବନବିଭାଗ ବିଭାଗ କର୍ମଚାରୀ ମୋଟୁ ଚେକ ପୋଷ୍ଠ ଠାରେ ରାତ୍ର ରେ ଜଗିରହି ଥିଲେ। ସୂଚନା ମୁତାବକ ଆଜି ଭୋର ୪ଟା ବେଳେ ଏକ ପିକ ଉପ ଭ୍ୟାନ ଗାଡି ଏବଂ ୨ ଟି ମୋଟର ସାଇକଲ ପୋଡ଼ଶୀ ରାଜ୍ୟ ଆନ୍ଧ୍ର ପ୍ରଦେଶରୁ ଦ୍ରୁତ ଗତି ରେ ଆସୁଥିବା ଦେଖି ଅଟକାଇ ଥିଲେ। ଗାଡି ଯାଞ୍ଚ କରିବାରୁ କଇଁଛ ଥିବା ଜଣାପଡିଥିଲା। ଏମ୍ ଭି ୭୯ ସ୍ଥିତ ବନବିଭାଗ କାର୍ଯ୍ୟାଳୟ କୁ ନିଆଯାଇ ଦୁଇଟି ମୋଟର ସାଇକଲ, ୨ ଜଣ ଲୋକ ଓ ୩୦୮ଟି କଇଁଛ ଜବତ କରାଯାଇଥିଲା। ଜବତ କଇଁଛ ର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ଜଣା ପଡିଛି।
ଏ ନେଇ ବନବିଭାଗ ପକ୍ଷରୁ ରୁ ଏକ ମାମଲା ରୁଜୁ କରାଯାଇ ଏମଭି ୭୯ ଥାନା ଅଞ୍ଚଳ ର ଅଭିଯୁକ୍ତ ସୁରଜ ମଲ୍ଲିକ (୨୭), ଶକ୍ତିପଦ ଗାଇନ ୨ ଜଣ କଇଞ୍ଚ ଚାଲାଣ କାରୀଙ୍କୁ କୋର୍ଟ ଚାଲାଣ କରାଯାଇଥିବା ବନ ବିଭାଗ ସୂତ୍ର ରୁ ଜଣା ପଡିଛି। ଘଟଣା ସ୍ଥଳ କୁ ସହକାରୀ ବନ ସଂରକ୍ଷକ ମୁନସୁନ ଖେମୁଣ୍ଡୁ ପହଁଚି ତଦନ୍ତ ଆରମ୍ଭ କରିଛନ୍ତି। ଏହି କଇଁଚ ଆନ୍ଧ୍ରପ୍ରଦେଶ ର କାକିନାଡା ଅଞ୍ଚଳରୁ ଆଣି ସ୍ଥାନୀୟ ଅଞ୍ଚଳରେ ବିକ୍ରି କରାଯାଉଥିବା ଜଣାପଡ଼ିଛି। ଦୀର୍ଘ ଦିନ ଧରି ପ୍ରଶାସନ କୁ ଚକମା ଦେଇ ଏହି ବେପାର ଚାଲିଥିବା ବନ ବିଭାଗର ଏଭଳି ଚଢାଉ ଯୋଗୁଁ କଇଁଛ ବେପାରୀଙ୍କ ମଧ୍ୟରେ ଆତଙ୍କ ଖେଳଯାଇଥିବା ଜଣାପଡିଛି।
