ଶେରଗଡ଼, ୨୯/୩(ଆପ୍ର): ପରିବେଶ ସୁରକ୍ଷା ପାଇଁ ମାଲକାନଗିରିରୁ ପୁରୀ ଅଭିମୁଖେ ୩୫ ଜଣ ବ୍ୟକ୍ତି ପଦଯାତ୍ରା କରୁଥିବା ବେଳେ ଶନିବାର ସେମାନେ ଶେରଗଡ଼ ଠାରେ ପହଞ୍ଚିଥିଲେ। ପରିବେଶ ବନ୍ଧୁ ନିରାକାର ବିଷୋୟୀ ଓ ଗୌରହରି ବିଷୋୟୀଙ୍କ ସମେତ ବହୁ ପରିବେଶପ୍ରେମୀ ସେମାନଙ୍କୁ ଜଗନ୍ନାଥପୁରରେ ସ୍ୱାଗତ କରିଥିଲେ। ସ୍ଥାନୀୟ ବିଜୁ ପଟ୍ଟନାୟକ ବିଦ୍ୟାଳୟକୁ ପାଛୋଟି ନେଇଥିଲେ। ସେଠାରେ ଆୟୋଜିତ ସଭାରେ ସମସ୍ତ ପଦଯାତ୍ରୀ ପରିବେଶ ସୁରକ୍ଷା ଉପରେ ସଚେତନତା ସୃଷ୍ଟି କରିଥିଲେ।
ଗତ ୩୫ ଦିନ ହେଲା ମାଲକାନଗିରି ଓ କୋରାପୁଟ ଜିଲ୍ଲାରେ ସେମାନଙ୍କ ପଦଯାତ୍ରା ନେଇ ଅଭିଜ୍ଞତା ବଖାଣିଥିଲେ। ପ୍ରକୃତି ସୁରକ୍ଷା ପଦଯାତ୍ରୀ ଓ ରାଜ୍ୟ ପ୍ରଯୁକ୍ତି ବିଦ୍ୟା ପୂର୍ବତନ ନିର୍ଦ୍ଦେଶକ ଚିତ୍ତରଞ୍ଜନ ଷଡ଼ଙ୍ଗୀ, ବଳରାମ ପଣ୍ଡା, ସୂର୍ଯ୍ୟନାରାୟଣ ପ୍ରଧାନ, ଯୋଗଗୁରୁ ସ୍ମୃତିଶେଖର ସାହୁ, ପ୍ରାକୃତିକ ଚିକିତ୍ସକ ଧନଞ୍ଜୟ କୁମାର, ନିହାର ଗାନ୍ଧୀ ପ୍ରମୁଖ ସାମିଲ ଅଛନ୍ତି। ସମସ୍ତ ସଦସ୍ୟ ଶନିବାର ଏଠାରେ ରାତ୍ରୀଯାପନ ପରେ ସକାଳୁ ପୁରୀ ଅଭିମୁଖେ ପଦଯାତ୍ରା କରିଛନ୍ତି।
