ପ୍ରମୂଖ ଖବର
  • ବିଜେଡି ନେତା ରାଜା ଚକ୍ର ଲିଙ୍କ୍‌ରେ ରେଡ୍: କୋଇଡ଼ା ମାଇନ୍ସରେ EOW ଟିମ୍‌ର ଚଢ଼ାଉ, ୩ଟି ହାଇୱା ଜବତ
  • ||
  • ଦେବଗଡ଼ : ଜାଳଣୀ କାଠ ପାଇଁ ଗଣ୍ଡଗୋଳ , ବଡ଼ ଯା'କୁ ପିଟି ପିଟି ମାରିଦେଲା ସାନ ଯା'
  • ||
  • ତାଳଚେରରେ ଏନକାଉଣ୍ଟର, କୁଖ୍ୟାତ ଅପରାଧୀ ସୁଶାନ୍ତ ନାୟକଙ୍କ ଗୋଡ଼ରେ ବାଜିଲା ଗୁଳି
  • ||
  • ଭୁବନେଶ୍ୱର : ମଶାଣି ପାଖରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • IPL 2025: ଆଜି ନାଇଟ ରାଇଡର୍ସ-ସନରାଇଜର୍ସ ଲଢ଼େଇ, ଇଡେନ୍‌ ଗାର୍ଡେନ୍ସରେ ହେବ ରନ୍‌ ବର୍ଷା
  • ||
  • ସରିଲା ସପ୍ତଦଶ ବିଧାନସଭାର ତୃତୀୟ ଅଧିବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ
  • ||
  • ଉଦଳା : ଭାରସାମ୍ୟ ହରାଇ ଖାଲକୁ ଖସି ପଡ଼ିଲା କାର୍‌: ଜଣେ ଗୁରୁତର, ୨ ଆହତ
  • ||
  • ୧୩ ଘଣ୍ଟାର ମାରାଥନ ବିତର୍କ ପରେ ଲୋକସଭାରେ ୱାକଫ ବିଲ୍‌ ପାରିତ, ଆଜି ରାଜ୍ୟସଭାରେ ହେବ ଆଗତ
  • ||
  • ରାଜ୍ୟରେ ୪ ଯାଏ କାଳବୈଶାଖୀ ସମ୍ଭାବନା,୧୫ ଜିଲ୍ଲାରେ ପବନ ସହ ବଜ୍ରପାତ ନେଇ ଆଲର୍ଟ
  • ||

ଶିଶୁ ବାଟିକା ଶୁଭାରମ୍ଭ : ଶିଶୁଙ୍କୁ ଖଡ଼ି ଛୁଆଁଇ ପାଠ୍ୟ ଉପକରଣ ବାଣ୍ଟିଲେ ଜିଲ୍ଲାପାଳ

Published By : Prameya | April 2, 2025 8:00 PM

ମାଲକାନଗିରି, ୨/୪/(ଆପ୍ର ): ଏପ୍ରିଲ୍ ପହିଲାରୁ ମହାବିଷୁବ ସଂକ୍ରାନ୍ତି ପର୍ଯ୍ୟନ୍ତ ସାରା ରାଜ୍ୟରେ ପାଳନ କରାଯାଉଛି ଓଡ଼ିଆ ପକ୍ଷ। ଏ ନେଇ ସମଗ୍ର ଶିକ୍ଷା ଅଭିଯାନ ଓ ଜିଲ୍ଲା ମଙ୍ଗଳ ବିଭାଗ ପକ୍ଷରୁ ଜିଲ୍ଲାର ସାତଟି ବ୍ଲକରେ ଥିବା ୧୨୫୭ଟି ବିଦ୍ୟାଳୟର ଶିଶୁ ବାଟିକାରେ ପ୍ରବେଶ ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ ଆରମ୍ଭ କରାଯାଇଛି।   

ଜିଲ୍ଲା ସଦର ମହକୁମାସ୍ଥ ବୁଟିଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରବେଶ ଉତ୍ସବରେ   ଜିଲ୍ଲାପାଳ ଆଶିଷ ଈଶ୍ୱର ପାଟିଲ ମୁଖ୍ୟ ଅତିଥି ଭାବେ ଯୋଗ ଦେଇ ଶିଶୁଙ୍କୁ ପରମ୍ପରା ଅନୁସାରେ ଖଡ଼ି ଛୁଆଁଇ ପାଠ୍ୟ ଉପକରଣ ବାଣ୍ଟି ଥିଲେ।  ସେହିପରି ଅତିରିକ୍ତ ଜିଲ୍ଲାପାଳ ସାଧାରଣ ସୋମନାଥ ପ୍ରଧାନ ଚାଲାଣଗୁଡା ଉଚ୍ଚ ପ୍ରାଥମିକ ବିଦ୍ୟାଳୟ ଖଡ଼ି ଛୁଆଁ କାର୍ଯ୍ୟକ୍ରମରେ ଯୋଗ ଦେଇଥିଲେ। ଜିଲ୍ଲା ମଙ୍ଗଳ ଅଧିକାରୀ ଶ୍ରୀନିବାସ ଆଚାରୀ ନୀଲିମାରୀ, ଶୋରିଷମାଳ, ପାଣ୍ଡ୍ରିପାଣି ଆଶ୍ରମ ବିଦ୍ୟାଳୟରେ ଶିଶୁ ବାଟିକା ପ୍ରବେଶ ଉତ୍ସବ ଉଦଘାଟନ କରି ଶିଶୁମାନଙ୍କୁ ଖଡ଼ି ଛୁଆଁଇ ସିଲଟ, ଖଡ଼ି ଓ ପାଠ୍ୟ ଉପକରଣ ବାଣ୍ଟିଛନ୍ତି।

ମାଲକାନଗିରି ବିଧାୟକ ପ୍ରତିନିଧି ନିହାର ରୟ ସିନ୍ଧ୍ରିମାଳ ଉଚ୍ଚ ମାଧ୍ୟମିକ ବିଦ୍ୟାଳୟ ଓ ଚିତ୍ରକୋଣ୍ଡା ବିଧାୟକ ପ୍ରତିନିଧି ଗୋବିନ୍ଦ ପାତ୍ର ଚିତ୍ରକୋଣ୍ଡା ଟେମ୍ପରାରି କଲୋନୀସ୍ଥିତ ବିଦ୍ୟାଳୟ କାର୍ଯ୍ୟକ୍ରମରେ ଯୋଗ ଦେଇଥିଲେ।   ଏହି ଅବସରରେ ଶିକ୍ଷା ବିଭାଗ ପକ୍ଷରୁ ନୂତନ ଭାବେ ବିଦ୍ୟାଳୟରେ ପ୍ରବେଶ କରିଥିବା କୁନି ଶିଶୁ ମାନଙ୍କୁ ଶିକ୍ଷା ଉପକରଣ ବଣ୍ଟନ କରାଯାଇଥିଲା।        

ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଜିଲ୍ଲା ପାଳ ଆଶିଷ ଈଶ୍ୱର ପାଟିଲ ଶିକ୍ଷା ସଚେତନତା ରଥର ଶୁଭାରମ୍ଭ କରିଛନ୍ତି। ଏହି ରଥ ଏପ୍ରିଲ ୨ ରୁ ୫ ପର୍ଯ୍ୟନ୍ତ ଚାରି ଦିନ ଧରି ସାତ ଟି ବ୍ଲକ ର ପ୍ରତ୍ୟେକ ପଞ୍ଚାୟତ ଭ୍ରମଣ କରି ପ୍ରାଥମିକ ବିଦ୍ୟାଳୟରେ ଶିଶୁଙ୍କ ଖଡ଼ି ଛୁଆଁ ଲାଗି ସଚେତନତା ସୃଷ୍ଟି କରିବ। ଜିଲ୍ଲାର ସମସ୍ତ ବ୍ଲକ୍ ରେ ସାତ ଗୋଟି ରଥର ଶୁଭାରମ୍ଭ     ଭାରପ୍ରାପ୍ତ ଜିଲ୍ଲା ଶିକ୍ଷା ଅଧିକାରୀ ଉମା ପ୍ରସାଦ ଦାଶ ଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଛି। ଅନ୍ୟମାନଙ୍କ ମଧ୍ୟରେ ସମଗ୍ର ଶିକ୍ଷା ଅଭିଯାନ ସହକାରୀ ଯନ୍ତ୍ରୀ ଇଂ ସରୋଜ କୁମାର ସାମନ୍ତରାୟ, ଶୈକ୍ଷିକ ସଂଯୋଜକ ଶେଷ ଶଙ୍କର ମହାଲିକ, ଶୈକ୍ଷିକ ପରାମର୍ଶଦାତା ସୀତାରାମ ଗୌଡ, ବ୍ଲକ ଶିକ୍ଷା ଅଧିକାରୀ ରବିନ୍ଦ୍ର କୁମାର ଧର, ବ୍ଲକ ସାଧନ କେନ୍ଦ୍ର ସଂଯୋଜକ ଓ ପଞ୍ଚାୟତ ସାଧନ କେନ୍ଦ୍ର ସଂଯୋଜକ ଉପସ୍ଥିତ ଥିଲେ। 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.