କୋଣାର୍କ, ୧୨।୧୦ : ଦଶହରାରେ କୋଣାର୍କ ବୁଲିବାକୁ ଆସିଥିବା ତିନ ଜଣ ସାଙ୍ଗ ଚନ୍ଦ୍ରଭାଗା ସମୁଦ୍ରରେ ଗାଧୋଇବା ବେଳେ ଭାସି ଯାଇଥିଲେ। ସେମାନଙ୍କୁ ମଧ୍ୟରୁ ୨ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଜଣେ ନିଖୋଜ ରହିଛ। ନିଖୋଜ ଯୁବକ ଜଣକ ଜଗତସିଂହପୁରର ଜୀବନଜ୍ୟୋତି ମହାନ୍ତି(୧୯) ।
ପୁରୀ ଜିଲ୍ଲା ଡେଲାଙ୍ଗ ବେରବୋଇ ଅଂଚଳର ସୁମନ୍ତ ଜେନା,ସୁଧିର ମଲ୍ଲିକ(୨୬)ବର୍ଷ ଓ ଜଗତସିଂହପୁରର ଜୀବନଜ୍ୟୋତି ମହାନ୍ତି(୧୯) ସାଥି ହୋଇ କୋଣାର୍କ ବୁଲିବାକୁ ଆସିଥିଲେ। ଚନ୍ଦ୍ରଭାଗା କୂଳରେ ଗାଧୋଉଥିବା ସମୟରେ ଗଭୀର ସମୁଦ୍ରକୁ ଚାଲିଯାଇଥିଲେ ତିନି ଜଣ ଯୁବକ। ଲହଡ଼ି ମାଡ଼ରେ ସମୁଦ୍ରରେ ବୁଡି ଯାଉଥିବା ଦେଖି ତୁରନ୍ତ ଲାଇଫ ଗାର୍ଡ ସମୁଦ୍ରରୁ ଦୁଇ ଜଣଙ୍କୁ ଉଦ୍ଧାର କରି କୂଳକୁ ଆଣିଥିଲେ। ବହୁ ଖୋଜାଖୋଜି କରିବା ପରେ ମଧ୍ୟ ଏବେ ଜୀବନଜ୍ୟୋତି ସମୁଦ୍ରରେ ନିଖୋଜ ଅଛି ବୋଲି ଚନ୍ଦ୍ରଭାଗା ମେରାଇନ ଥାନା ଆଇଆଇସି ପ୍ରତିମା ସାହୁ ସୂଚନା ଦେଇଛନ୍ତି।