କୋଣାର୍କ,୧୮/୧୨: ଆକାଶିଆ ଗଛରେ ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଠାବ । ମୃତ ଯୁବକଙ୍କ ପରିଚୟ ଅସ୍ପଷ୍ଟ ରହିଛି । ପୁରୀ ଜିଲ୍ଲା ଅସ୍ତରଙ୍ଗ ଥାନା ଅନ୍ତର୍ଗତ ନଗର ସେନାପତି ସାହି ନିକଟ ନୀଳ ଜଙ୍ଗଲରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ନଗର ସେନାପତି ସାହି ନିକଟ ନୀଳ ଜଙ୍ଗଲରେ ଏକ ଆକାଶିଆ ଗଛରେ ଜଣେ ଅଜଣା ଯୁବକଙ୍କ ଝୁଲନ୍ତା ଅବସ୍ଥାରେ ମୃତଦେହ ଦେଖିଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଅସ୍ତରଙ୍ଗ ପୋଲିସ ପହଞ୍ଚିଛି । ସେଠାରେ ପହଞ୍ଚି ଯୁବକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ । ଯୁବକ ଜଣକ ଏକ ସବୁଜ ରଙ୍ଗର ଗଞ୍ଜି ପିନ୍ଧିଥିବା ବେଳେ କାର୍ଗୋ ପ୍ୟାଣ୍ଟ ପିନ୍ଧିଛନ୍ତି । ନିକଟରେ ଚପଲ, ସାଇକେଲ ଓ କିଛି କଳା ଜରିରେ କଦଳୀ ରହିଥିବା ଦେଖିବାକୁ ମିଳିଛି । ତେବେ ଯୁବକ ଜଣକ ଆତ୍ମହତ୍ୟା କରିଛନ୍ତି ନା ତାଙ୍କୁ କେହି ହତ୍ୟା କରିଛି, ତାର ତଦନ୍ତ କରୁଛି ଅସ୍ତରଙ୍ଗ ପୋଲିସ ।
