କୋଣାର୍କ ୧୭/୧୨: କାକଟପୁର ଥାନା ଅଞ୍ଚଳରେ ବୋମା ମାଡ଼। ପୂର୍ବ ଶତ୍ରୁତାକୁ କେନ୍ଦ୍ରକରି ବ୍ୟବସାୟୀଙ୍କ ଉପରକୁ ବୋମା ଫିଙ୍ଗିଲେ ଯୁବକ। ବୋମ ମାଡ଼ରେ ଚିକେନ୍ ସେଣ୍ଟର ଏବଂ ବାଇକ୍ ଭାଙ୍ଗି ଯାଇଥିବା ବେଳେ ବ୍ୟବସାୟୀ ଆହତ ହୋଇଛନ୍ତି। ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡିଛି। କାକଟପୁର ପୋଲିସ ସମ୍ପୃକ୍ତ ଯୁବକକୁ ଅଟକ ରଖି ତଦନ୍ତ କରୁଛି।
ସୂଚନା ମୁତାବିକ, ସୋମବାର ବିଳମ୍ବିତ ରାତି କାକଟପୁର କଟକଣା ଛକରେ ଏକ ଚିକେନ୍ ସେଣ୍ଟର ଉପରେ ବୋମା ଫିଙ୍ଗିଥିଲେ। ଯେଉଁଥିରେ ଘର ଏବଂ ବାଇକ୍ ନଷ୍ଟ ହୋଇଥିବା ବେଳେ ବ୍ୟବସାୟୀ ଅଳ୍ପକେ ବର୍ତ୍ତିଯାଇଛନ୍ତି। ପୋଲିସ ଯୁବକକୁ ଅଟକ ରଖି ମାମଲାର ତଦନ୍ତ ଆରମ୍ଭ କରିଛି।
