ବରଗଡ଼,୩।୩ : ଅତାବିରା ଥାନା ଗୋଡଭଗା ରେଳ ଷ୍ଟେସନ ନିକଟରେ ଥିବା ଏକ ବହୁ ଦିନର ପୁରୁଣା କୋଠା ଘର ଭାଙ୍ଗି ଯିବାରୁ ଜଣଙ୍କର ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର ହୋଇଛନ୍ତି। ଖବର ପାଇ ସ୍ଥାନୀୟ ଗୋଡ଼ଭଗା ପୋଲିସ , ଦମକଳ ବାହିନୀ, ରେଳ ବିଭାଗ କର୍ମଚାରୀ, ସ୍ଥାନୀୟ ସରପଞ୍ଚ ଉଦ୍ଧାର କରି ଆହତଙ୍କୁ ବୁର୍ଲା ବଡ଼ମେଡିକାଳକୁ ପଠାଇଛନ୍ତି। ସମସ୍ତ ଆହତଙ୍କ ସ୍ବାସ୍ଥ୍ୟାବସ୍ଥା ଠିକ ଥିବା ଜଣା ପଡ଼ିଛି ।ସମସ୍ତ ମୃତ ଓ ଆହତ ବ୍ୟକ୍ତିମାନେ ବିହାର ରାଜ୍ୟର ହୋଇଥିବା ବେଳେ ସେମାନଙ୍କ ପରିଚୟ ମିଳିପାରିନାହିଁ ।
ଗୋଡ଼ଭଗା ରେଳ ଷ୍ଟେସନ ର ପୁରୁଣା ଗୃହ ଭାଙ୍ଗି ନବ ନିର୍ମିତ ଗୃହ ତିଆରି କାର୍ଯ୍ୟ ପାଇଁ ଏକ ଠିକା ସଂସ୍ଥା ଅଧୀନରେ ଶ୍ରମିକ ଭାବେ କାର୍ଯ୍ୟ କରୁଥିଲେ ବୋଲି ସ୍ଥାନୀୟ ସରପଞ୍ଚ ସୁଷମା ସାହୁ ସୂଚନା ଦେଇଛନ୍ତି ।
ଆହୁରି ପଢନ୍ତୁ : ଗାଡିରୁ ପ୍ଲାଇଉଡ କାଢିବା ବେଳେ ଅଘଟଣ : ୧୧କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ମୃତ