ବରଗଡ,୧୫।୮ : ବରଗଡ଼ ଜିଲ୍ଲା ଭେଡେନ ବ୍ଲକ୍ ଅମଲିପାଲି ଗାଁରେ ଝାଡାବାନ୍ତି ଆତଙ୍କ ଦେଖା ଦେଇଛି । ଝାଡାବାନ୍ତିରେ ଗାଁର ଗୋଟିଏ ପରିବାରରେ ଦମ୍ପତିଙ୍କ ମୃତ୍ୟୁ ହୋଇଥିବା ବେଳେ ତିନି ଜଣ ଗୁରୁତର ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି । ସେହିପରି ଏହି ଗାଁର ୩୦ ଜଣ ଝାଡାବାନ୍ତିରେ ଆକ୍ରାନ୍ତ ହୋଇଛନ୍ତି।
ଖବର ପାଇ ମେଡ଼ିକାଲ ଟିମ୍ ଗାଁରେ ପହଞ୍ଚି ଘରକୁ ଘର ବୁଲି ସ୍ଥିତି ଅନୁଧ୍ୟାନ କରିବା ସହ ଲୋକଙ୍କୁ ପ୍ରାଥମିକ ଚିକିତ୍ସା ଆରମ୍ଭ କରିଛନ୍ତି । ଗାଁରେ ଥିବା ନଳକୂପର ଦୂଷିତ ପାଣି ପିଇ ଲୋକେ ଝାଡାବାନ୍ତି ଶିକାର ହୋଇଛନ୍ତି । ପାନୀୟ ଜଳ ଯୋଗାଣ ବିଭାଗ ଓ ମେଡ଼ିକାଲ ଟିମ୍ ଗାଁରେ ଥିବା ନଳକୂପର ପାଣି ସଂଗ୍ରହ କରି ଟେଷ୍ଟ କରିବା ପାଇଁ ପଠାଇଥିବା ଗାଁ ଲୋକେ କହିଛନ୍ତି ।