ଭୁବନେଶ୍ବର, ୨୦।୨ : ବୁର୍ଲାରେ ସମ୍ବଲପୁର ବିଶ୍ବବିଦ୍ୟାଳୟ ଛାତ୍ରୀଙ୍କୁ ଆକ୍ରମଣ ଘଟଣାର ପୋଲିସ ପର୍ଦ୍ଦାଫାସ କରିଛି। ଏକତରଫା ପ୍ରେମକୁ ନେଇ ଛାତ୍ରୀଙ୍କୁ ଆକ୍ରମଣ କରାଯାଇଛି। ଏହି ଘଟଣାରେ ପୋଲିସ ଜଣକୁ ଗିରଫ କରିଛି। ଗିରଫ ଅଭିଯୁକ୍ତ ଜଣକ ହେଲେ ରାକେଶ ଦାସ। ଅଭିଯୁକ୍ତ ଜଣକ ୨ ମାସ ଧରି ଛାତ୍ରୀଙ୍କ ସହ କଥା ହେଉଥିବାବେଳେ ଅନ୍ୟ ଯୁବକଙ୍କ ସହ କଥା ହେବାକୁ ବାରଣ କରିଥିଲେ । ହେଲେ ଛାତ୍ରୀ ନ ମାନିବାରୁ ଯୁବକ ଜଣକ ଛାତ୍ରୀଙ୍କୁ ନିଛାଟିଆ ସ୍ଥାନକୁ ଡାକି ଆକ୍ରମଣ କରିଥିବା ଏସପି କହିଛନ୍ତି । ଦୁଇ ମାସ ଧରି ଉଭୟେ ଫୋନ ଯୋଗେ କଥା ବାର୍ତ୍ତା କରୁଥିବାବେଳେ ଏକତରଫା ପ୍ରେମ ହୋଇଥାଏ ପରେ ବୋଲି ସନ୍ଦେହ କରାଯାଉଛି । ସେପଟେ ଆକ୍ରମଣ କରିଥିବା ପଥର ସହ ମୋବାଇଲ ଫୋନ ପୋଲିସ ଜବତ କରିଛି । ତେବେ ଏହି ଘଟଣାରେ ଅନ୍ୟମାନେ ସଂଯୋଗବଶତଃ ସେଠାରେ ଥିବା ଓ ସେମାନେ କ୍ୟାଟରିଙ୍ଗ ଦଳ ଏସପି କହିଛନ୍ତି । ଏଥିରେ ଅଟୋରେ ଥିବା ଯୁବକଙ୍କ ମଧ୍ୟ କୌଣସି ସମ୍ପୃକ୍ତି ନାହିଁ ବୋଲି ଏସପି କହିଛନ୍ତି ।
ସୂଚନାଯୋଗ୍ୟ ବୁଧବାର ଅପରାହ୍ନରେ ବୁର୍ଲା ସହର ମେଟାକାନୀ ମନ୍ଦିର ପଛପଟେ ଥିବା ପଡିଆରେ କିଛି ଯୁବକ ଜଣେ ଯୁବତୀଙ୍କୁ ଆକ୍ରମଣ କରୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ତେବେ ସ୍ଥାନୀୟ ଲୋକେ ପାଟି କରିବା ପରେ ଯୁବକମାନେ ଛାଡି ପଳାଇଥିଲେ । ତେବେ ଯୁବତୀ ଜଣକ ସମ୍ବଲପୁର ବିଶ୍ବବିଦ୍ଯାଳୟର ଲାଇବ୍ରେରୀ ସାଇନ୍ସର ଛାତ୍ରୀ ବୋଲି ଜାଣିବାକୁ ପାଇଥିଲେ । ତେବେ ସଙ୍ଗେ ସଙ୍ଗେ ପୋଲିସକୁ ଖବର ଦେବା ପରେ ପୋଲିସ ପହଂଚି ଛାତ୍ରୀଙ୍କୁ ରକ୍ତ ଜୁଡୁବୁଡୁ ଅବସ୍ଥା ଉଦ୍ଧାର କରି ମେଡିକାଲ ପଠାଇଥିଲା। ଅଭିଯୁକ୍ତଙ୍କୁ ଧରିବା ପାଇଁ ଏକ ଟିମ୍ ସମ୍ବଲପୁର ଏସପି ମୁକେଶ ଭାମୁ ଗଠନ କରିଥିଲେ।
