ବଲାଙ୍ଗୀର,୦୨ /୦୭:ଭୁବନେଶ୍ଵର ମହାନଗର ନିଗମ ଅତିରିକ୍ତ କମିଶନର ରତ୍ନାକର ସାହୁଙ୍କୁ ଆକ୍ରମଣ ଘଟଣାର ପ୍ରତିବାଦ। ଅନିର୍ଦ୍ଦିଷ୍ଟକାଳ ପାଇଁ ସମୂହ ଛୁଟିରେ ବଲାଙ୍ଗୀର ଜିଲ୍ଲାର OAS ଓ ORS ଅଧିକାରୀ। ଏନେଇ ଆଜି ସଙ୍ଘ ତରଫରୁ ପ୍ରସ୍ତାବ ଆଗତ କରି ଜିଲ୍ଲାପାଳଙ୍କୁ ଜଣାଇଛନ୍ତି । ସେପଟେ ଆଜି ମଧ୍ୟ ଜିଲ୍ଲାର ବିଭିନ୍ନ କାର୍ଯ୍ୟାଳୟରେ ଓଏଏସ, ଓଆରଏସ ଅଧିକାରୀମାନେ ନଥିବାରୁ ଲୋକେ ନାନା ପ୍ରକାର ସମସ୍ୟାର ସମ୍ମୁଖୀନ ହୋଇଛନ୍ତି । ବଲାଙ୍ଗୀର ଓଏଏସ ସଂଘ ସଭାପତି ତଥା ଅତିରିକ୍ତ ଜିଲ୍ଲାପାଳ ପବିତ୍ର ବେହେରାଙ୍କ ନେତୃତ୍ବରେ ଜିଲ୍ଲାପାଳଙ୍କୁ ଦାବିପତ୍ର ଦିଆଯାଇଛି । ତେବେ ଅଭିଯୁକ୍ତମାନଙ୍କୁ ତୁରନ୍ତ ଗିରଫ କରିବା, କାର୍ଯ୍ୟାଳୟରେ ଅଧିକାରୀଙ୍କୁ ସୁରକ୍ଷିତ ଏବଂ କାର୍ଯ୍ୟ କରିବାର ପରିବେଶ ପ୍ରଦାନ  ତଥା ଆଗକୁ ଯେଭଳି ଏଭଳି ସମସ୍ୟା ନ ଉପୁଜିବ ସେନେଇ ସଙ୍ଘ ଦାବି କରିଛି।