ପାଟଣାଗଡ଼, ୪।୭: ପାଟଣାଗଡ଼ ଅବକାରୀ ବିଭାଗକୁ ସଫଳତା । ପାଢ଼େଳ ଓ ବାଞ୍ଜୀଝାଳ ରାସ୍ତାରେ ପାଟ୍ରୋଲିଂ ରନ୍ଧା ମଦ ଜବତ । ଚିଟକିମାଳ ଛକ ନିକଟରେ ଥିବା ଏକ ବୁଦା ମୂଳରୁ ୩୪ ଲିଟର ରନ୍ଧା ମଦ ଜବତ କରିବା ସହ ଜଣଙ୍କୁ ଗିରଫ କରିଛି ଅବକାରୀ ପୁଲିସ । ଗିରଫ ଯୁବକ ଜଣକ ଚିଟକିମାଳ ଗାଁର ସଙ୍କିର୍ତ୍ତନ ଘିବେଲା ।
ସୂଚନାନୁସାରେ, ଜିଲ୍ଲା ଅବକାରୀ ଅଧିକ୍ଷକ ସିତାକାନ୍ତ ମୁଦୁଲିଙ୍କ ନିର୍ଦ୍ଦେଶ କ୍ରମେ ପାଟଣାଗଡ଼ ଉପ ଅବକାରୀ ଅଧିକ୍ଷକ ରାଜକୁମାର ବେହେରାଙ୍କ ନେତୃତ୍ୱରେ ଏକ ଟିମ୍ ଗୁରୁବାର ରାତିରେ ପାଟ୍ରୋଲିଙ୍ଗ କରୁଥିଲେ । ଏହି ସମୟରେ ଚିଟକାମାଳ ଗାଁର ରନ୍ଧା ମଦ ବେପାରୀ ସଙ୍କିର୍ତ୍ତନକୁ ସେହି ଗାଁ ଛକର କିଛି ଦୂରରେ ଥିବା ଏକ କୁଡ଼ିଆରେ ବସିଥିବାର ସେମାନେ ଦେଖିବାକୁ ପାଇଥିଲେ । ସନ୍ଦେହ ହେବାରୁ କୁଡ଼ିଆ ପାଖରେ ଗାଡ଼ି ଅଟକାଇ ସଙ୍କୀର୍ତ୍ତନକୁ ପଚରାଉଚରା କରିଥିଲେ । କିଛି କର୍ମଚାରୀ କୁଡ଼ିଆ ପାଖରେ ଥିବା ବୁଦା ମୂଳକୁ ଯାଇ ଯାଞ୍ଚ କରିଥିଲେ । ଛାନଭୀନ ସମୟରେ ବୁଦା ମୂଳେ ଥିବା ୩୪ ଲିଟର ରନ୍ଧା ମଦ ଜାରକୁ ଜବତ କରିଥିଲେ ।
ସେହିପରି ଜଙ୍ଗଲ ଭିତରେ ଅବକାରୀ ବିଭାଗ ଏକ ନିର୍ଦ୍ଦିଷ୍ଟ ସ୍ଥାନରୁ ୧୨୦ ଲିଟର ରନ୍ଧା ମଦ ଭର୍ତ୍ତି ଜାର୍ ସହ ୧୧ ସହ କେଜି ମହୁଲ ପୋଚ ଜବତ କରିଥିଲେ । ଘଟଣାସ୍ଥଳରେ କେହି ନଥିବାରୁ ବିଭାଗୀୟ କର୍ମଚାରୀ ମାନେ ସେହି ରନ୍ଧା ମଦ ସହ ମହୁଳ ପୋଚକୁ ତଳେ ପକାଇ ନଷ୍ଟ କରିଦେଇଥିଲେ । ପରେ ଅଭିଯୁକ୍ତ ସଙ୍କିର୍ତ୍ତନକୁ ପାଟଣାଗଡ଼ କାର୍ଯ୍ୟାଳୟକୁ ପଚରାଉଚରା କରିଥିଲେ । ଆଜି ଅଭିଯୁକ୍ତଙ୍କ ନାଁରେ ଏକ ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରାଯାଇଥିବା ନେଇ ଅବକାରୀ ଉପ ନିରିକ୍ଷକ ଶ୍ରୀ ବେହେରା ସୂଚନା ଦେଇଛନ୍ତି ।
