ବଲାଙ୍ଗୀର, ୦୨/୦୭: ହଷ୍ଟେଲ ଫି' ବୃଦ୍ଧି ନେଇ ରାଜେନ୍ଦ୍ର ବିଶ୍ଵବିଦ୍ୟାଳୟରେ ଛାତ୍ର ଅଶାନ୍ତି । ବୁଧବାର ବିଶ୍ୱବିଦ୍ୟାଳୟ ମୁଖ୍ୟ ଫାଟକ ସମ୍ମୁଖରେ ଛାତ୍ରଛାତ୍ରୀମାନେ ଧାରଣା ଦେଇଛନ୍ତି । ବିଶ୍ବ ବିଦ୍ୟାଳୟ କର୍ତ୍ତୃପକ୍ଷ ହଷ୍ଟେଲ୍ ଫି' ହ୍ରାସ ନକରିବା ଯାଏ ଆନ୍ଦୋଳନରୁ ଓହରିବେ ନାହିଁ ବୋଲି କହିଛନ୍ତି ଆନ୍ଦୋଳନରତ ଛାତ୍ରଛତ୍ରୀ । ବର୍ତ୍ତମାନ ବିଶ୍ୱବିଦ୍ୟାଳୟରେ ୬ଟି ହଷ୍ଟେଲ ଥିବା ବେଳେ ପ୍ରାୟ ୯୦୦ରୁ ଉର୍ଦ୍ଧ୍ୱ ଅନ୍ତେବାସୀ ରହିଛନ୍ତି । ତେବେ ହଠାତ୍ ଫି' ବୃଦ୍ଧି କରିବାକୁ ନେଇ ପ୍ରତିବାଦ କରିଛନ୍ତି ପିଲା ।
ସେପଟେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଏହାକୁ ଅସ୍ୱୀକାର କରିଛନ୍ତି । ଫି' ବୃଦ୍ଧି ଚଳିତ ବର୍ଷ ନୁହେଁ ବରଂ ଗତ ବର୍ଷରୁ ହୋଇସାରିଥିବା ବେଳେ ଏବେ ତାକୁ ଅଯଥାରେ ପ୍ରସଙ୍ଗ କରାଯାଉଛି ବୋଲି କହିଛନ୍ତି । ତେବେ ଏହାକୁ ନେଇ ଏବେ ମଧ୍ୟ ଆନ୍ଦୋଳନ ଜାରି ରହିଛି।
