ବଲାଙ୍ଗୀର, ୧।୭ : ଭୁବନେଶ୍ୱରରେ ବରିଷ୍ଠ ଓଏଏସ ରତ୍ନାକର ସାହୁଙ୍କୁ ଆକ୍ରମଣ ଘଟଣାକୁ ବଲାଙ୍ଗିର  ଓଏଏସ ଓ ଆରଏସ ସଂଘ ନିନ୍ଦା କରିଛି I ଏନେଇ ସର୍କିଟ ହାଉସ ଠାରେ ସଂଘ ତରଫରୁ ଚାଲିଥିବା ବୈଠକରେ ନିନ୍ଦା ପ୍ରସ୍ତାବ ପାରିତ କରାଯାଇଛି I ବଲାଙ୍ଗିର ଓଏଏସ ସଂଘ ସଭାପତି ତଥା ଅତିରିକ୍ତ ଜିଲ୍ଲାପାଳ ପବିତ୍ର ବେହେରାଙ୍କ ନେତୃତ୍ବରେ ଚାଲିଥିବା ବୈଠକରେ  ଜିଲ୍ଲାର ସମୂହ ଓଏଏସ ଏବଂ ଓ ଆର ଏସ୍ ଅଧିକାରୀ ଛୁଟିରେ ଥିବା ସୂଚନା ଦେଇଛନ୍ତି ।

 ତେବେ ଅଭିଯୁକ୍ତ ମାନଙ୍କୁ ତୁରନ୍ତ ଗିରଫ କରିବା, କାର୍ଯ୍ୟାଳୟରେ ଅଧିକାରୀଙ୍କୁ ସୁରକ୍ଷିତ ଏବଂ କାର୍ଯ୍ୟ କରିବାର ପରିବେଶ ପ୍ରଦାନ୍  ତଥା ଆଗକୁ ଯେଭଳି ଏଭଳି ସମସ୍ୟା ନ ଉପୁଜିବ ସେନେଇ ସଂଘ ଦାବି କରିଛି। ତେବେ ସୋମବାର ବୈଠକରେ ଜିଲ୍ଲାର ସମସ୍ତ ବିଡ଼ିଓ, ତହସିଲଦାରଙ୍କ ସମେତ ଅନ୍ୟାନ୍ୟ ଓଏଏସ ଓ ଓଆରଏସ ଅଧିକାରୀମାନେ ଉପସ୍ଥିତ ଥିଲେ।