ମୁମ୍ବାଇ,୨୫/୬:ପୁଅ ବାହାଘର ପାଇଁ କାଶୀ ବିଶ୍ବାନାଥଙ୍କୁ ନିମନ୍ତ୍ରଣ କଲେ ନୀତା ଅମ୍ବାନୀ । ଅନନ୍ତ ଅମ୍ବାନୀ ଓ ରାଧିକା ମର୍ଚାଣ୍ଟଙ୍କ ବିବାହ ପାଇଁ କାଶୀ ବିଶ୍ବନାଥଙ୍କୁ ନିମନ୍ତ୍ରଣ କରିବା ପାଇଁ ପହଞ୍ଚିଛନ୍ତି ନୀତା  । ବାରଣାସୀରେ ପହଞ୍ଚି ପ୍ରଭୁଙ୍କ ଆଶୀର୍ବାଦ କାମନା କରିଛନ୍ତି ନୀତା  । ପରିବାରର ମଙ୍ଗଳ ମନାସି ବାବାଙ୍କୁ ପ୍ରାର୍ଥନା କରିବା ସହ ନିମନ୍ତ୍ରଣ ପତ୍ର ଦେଇଛନ୍ତି ରିଲାଏନ୍ସ ଫାଉଣ୍ଡେସନର ଚେୟାରମ୍ୟାନ ନୀତା  ।

୧୦ ବର୍ଷ ପରେ ବାରଣାସୀର କାଶୀ ବିଶ୍ବନାଥ ଆସିଥିବା କହିଛନ୍ତି ନୀତା  । ଏହାରି ମଧ୍ୟରେ ସେଠାରେ ହୋଇଥିବା ବିକାଶକୁ ସେ ବେଶ ପ୍ରଶଂସା କରିଛନ୍ତି । ସେହିପରି ସ୍ବଚ୍ଛତା ସାଙ୍ଗକୁ ସୌର ଶକ୍ତିର ବି ସେ ପ୍ରଶଂତସା କରିଛନ୍ତି। ତେବେ  ଆସନ୍ତା ଜୁଲାଇ ୧୨ରେ ରିଲାଏନ୍ସ ଇଣ୍ଡଷ୍ଟ୍ରିର ପ୍ରତିଷ୍ଠାତା ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀଙ୍କ ସହ ଶିଳ୍ପପତି ବୀରେନ ମର୍ଚାଣ୍ଟଙ୍କ ଝିଅ ରାଧିକାଙ୍କ ବିବାହ ହେବ  । ଅନନ୍ତ-ରାଧିକାଙ୍କ ବିବାହର ନିମନ୍ତ୍ରଣ କାର୍ଡ ଅନୁଯାୟୀ, ବିବାହ କାର୍ଯ୍ୟ ତିନି ଦିନ ଧରି ଚାଲିବ । ୧୨ ଜୁଲାଇରେ ଶୁଭ ବିବାହ କିମ୍ବା ବିବାହ କାର୍ଯ୍ୟ ସହ ଆରମ୍ଭ ହେବ । ଡ୍ରେସ୍ କୋଡ୍ ଭାରତୀୟ ପାରମ୍ପାରିକ ହେବ । ଜୁଲାଇ ୧୩ ଶୁଭ ଆଶୀର୍ବାଦର ଦିନ ହେବ । ଏହି ଦିନ ସମସ୍ତେ ଇଣ୍ଡିଆନ ଫର୍ମାଲ ଡ୍ରେସ କୋଡରେ ନଜର ଆସିବେ । ୧୪ ଜୁଲାଇରେ ଏକ ମଙ୍ଗଳ ଉତ୍ସବ ବା ବିବାହ ରିସେପ୍ସନ୍ ହେବ । ଏହି ଦିନ ସମସ୍ତେ ଇଣ୍ଡିଆନ ଡ୍ରେସ କୋର୍ଡରେ ନଜର ଆସିବେ ।