ଖୋର୍ଦ୍ଧା ୯/୦୬: ଜେଲ୍ରୁ ବାହାରିଲେ ଖୋର୍ଦ୍ଧାର ନବନିର୍ବାଚିତ ବିଧାୟକ ପ୍ରଶାନ୍ତ ଜଗଦ୍ଦେବ । ତିନି ଦିନିଆ ସର୍ତ୍ତ ମୂଳକ ଅନ୍ତରୀଣ ଜାମିନ ମିଳିବା ପରେ ଖୋର୍ଦ୍ଧା ଜେଲ୍ରୁ ବାହାରିଛନ୍ତି ପ୍ରଶାନ୍ତ ଜଗଦ୍ଦେବ ।
ଖୋର୍ଦ୍ଧା ଅତିରିକ୍ତ ଜିଲ୍ଲା ଦୌରାଜଜ୍ ୧ଙ୍କ ଅନୁମତି କ୍ରମେ ପ୍ରଶାନ୍ତ ଜଗଦ୍ଦେବ ତିନି ଦିନ ପାଇଁ ଜାମିନ ପାଇଛନ୍ତି । କୋର୍ଟଙ୍କ ନିର୍ଦ୍ଦେଶ କ୍ରମେ ଆସନ୍ତା ୧୨ ତାରିଖରେ କୋର୍ଟରେ ହାଜର ହେବେ । ତେବେ ପ୍ରଶାନ୍ତ ଖୋର୍ଦ୍ଧା ଜେଲ୍ରୁ ମୁକୁଳିବା ପରେ ତାଙ୍କର ସମର୍ଥକମାନେ ଶୁଭେଚ୍ଛା ଜଣାଇବା ସହ ଏକ ବିଶାଳ ଶୋଭାଯାତ୍ରାରେ ପ୍ରଶାନ୍ତ ଜଗଦ୍ଦେବଙ୍କୁ ଖୋର୍ଦ୍ଧା ସହର ପରିକ୍ରମା କରିଛନ୍ତି । ଶୋଭାଯାତ୍ରା ଖୋର୍ଦ୍ଧା ଜେଲ୍ ନିକଟରୁ ବାହାରି ଖୋର୍ଦ୍ଧା ନୂଆବସ୍ ଷ୍ଟାଣ୍ଡ ଦେଇ ବିଜେପି କାର୍ଯ୍ୟାଳୟ ପର୍ଯ୍ୟନ୍ତ ଯାଇଥିଲା।
ସୂଚନାଥାଉକି, ଇଭିଏମ୍ ଭାଙ୍ଗିବା ମାମଲାରେ ଗିରଫ ବିଧାୟକ ଶ୍ରୀ ଜଗଦ୍ଦେବଙ୍କ ଶରୀରରେ ରକ୍ତ ଶର୍କରା ପରିମାଣ ବଢ଼ିଯିବାରୁ ସେ ଗୁରୁତର ହୋଇପଡ଼ିଥିଲେ । ତାଙ୍କୁ ଖୋର୍ଦ୍ଧା ପୁଲିସ୍ ଟିମ୍ ଏସ୍ସିବି ମେଡିସିନ୍ ବିଭାଗରେ ଭର୍ତ୍ତି କରିଥିଲେ । ବିଧାୟକଙ୍କ ଚିକିତ୍ସା ଲାଗି ଏସ୍ସିବି ଅଧୀକ୍ଷକ ପ୍ରଫେସର ଡାକ୍ତର ସୁଧାଂଶୁ ଶେଖର ମିଶ୍ରଙ୍କ ନିର୍ଦ୍ଦେଶ କ୍ରମେ ଏକ ସ୍ୱତନ୍ତ୍ର ଡାକ୍ତରୀ ଟିମ୍ ଗଠନ କରାଯାଇଥିଲା।ଜଗଦ୍ଦେବଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ତାଙ୍କୁ ରବିବାର ଏସ୍ସିବିରୁ ଡିସ୍ଚାର୍ଜ କରାଯାଇଥିଲା। ପରେ ସେ ଖୋର୍ଦ୍ଧା ଜେଲରୁ ସର୍ତ୍ତମୂଳକ ଅନ୍ତରୀଣ ଜାମିନ ତିନ ପାଇଁ ବାହାରକୁ ବାହିଛନ୍ତି।