ଭୁବନେଶ୍ୱର, ୨୩।୬: ୫ କଂଗ୍ରେସ କର୍ମୀ ଦଳରୁ ବହିଷ୍କୃତ । ରାଜ୍ୟ କଂଗ୍ରେସର ପିସିସି ସଭାପତି ଶରତ ପଟ୍ଟନାୟକଙ୍କୁ କାଳିମାଡ଼ ଘଟଣାରେ ୫ କଂଗ୍ରେସ କର୍ମୀଙ୍କୁ ବହିଷ୍କୃତ କରାଯାଇଛି । ପ୍ରକାଶ ମିଶ୍ର, ସନ୍ଦୀପ ରାଉତରାୟ, ଶ୍ରୀୟସ୍ମିତା ପଣ୍ଡା, ଅମରେଶ ପରିଡ଼ା, ଆର୍ଯ୍ୟନ୍ ସାସମଲ ବହିଷ୍କୃତ ହୋଇଥିବା ସୂଚନା । ଦଳର ଶୃଙ୍ଖଳା ଭଙ୍ଗ କରିବା ଅଭିଯୋଗରେ ୫ ଜଣ କର୍ମକର୍ତ୍ତାମାନଙ୍କୁ ୬ ବର୍ଷ ଲାଗି ଦଳରୁ ବହିଷ୍କୃତ କରାଯାଇଛି ।
ସୂଚନାନୁସାରେ, ଶୁକ୍ରବାର ପିସିସି ପଟ୍ଟନାୟକଙ୍କ ଚାମ୍ୱରରେ ହଠାତ୍ ୫ ଜଣ କଂଗ୍ରେସ କର୍ମୀ ପଶିଯାଇ କାଳିମାଡ଼ କରିଥିଲେ । ଏହି ଘଟଣାଟି ସମସ୍ତ କଂଗ୍ରେସ କର୍ମୀମାନଙ୍କୁ କୁଠାରଘାତ କରିଥିଲା । ସେଥିଲାଗି ଶୃଙ୍ଖଳା ଭଙ୍ଗ କରିବାରୁ ୫ ଜଣ କଂଗ୍ରେସ କର୍ମକର୍ତ୍ତାମାନଙ୍କୁ ୬ ବର୍ଷ ପାଇଁ ପିସିସି ସଭାପତି ଦଳରୁ ବହିଷ୍କାର କରିଛି ।