ମୁମ୍ବାଇ: ମହାରାଷ୍ଟ୍ରରେ ଉଦ୍ଧବ ଠାକରେଙ୍କ ଶିବସେନା (UBT)ରେ ଫାଟ ସୃଷ୍ଟି ହୋଇପାରେ । ମହାରାଷ୍ଟ୍ର ସରକାରଙ୍କ ସୂଚନା ପ୍ରଯୁକ୍ତିବିଦ୍ୟା ଏବଂ ସଂସ୍କୃତି ମନ୍ତ୍ରୀ ଆଶିଷ ଶେଲାର ଦାବି କରିଛନ୍ତି ଯେ, ଉଦ୍ଧବ ଠାକରେଙ୍କ ଦଳର ଅନେକ ନେତା ତାଙ୍କ ସମ୍ପର୍କରେ ଅଛନ୍ତି । ସେ ଏକନାଥ ସିନ୍ଦେଙ୍କ ଶିବସେନା  ଦ୍ବାରା ଅପରେସନ ଟାଇଗର ଚଳାଇବା ଦାବିକୁ ଯଥାର୍ଥ ବୋଲି କହିଛନ୍ତି ଏବଂ ଏଥିରେ କ'ଣ ଭୁଲ ଅଛି ବୋଲି ସେ ପ୍ରଶ୍ନ ମଧ୍ୟ କରିଛନ୍ତି । ସେ କହିଛନ୍ତି, ଉଦ୍ଧବ ଠାକରେଙ୍କ ଅନେକ ନେତା ଏକନାଥ ସିନ୍ଦେଙ୍କ ସମ୍ପର୍କରେ ଅଛନ୍ତି । ଆଦିତ୍ୟ ଠାକରେଙ୍କ ସମ୍ପର୍କରେ ଆଶିଷ ସେଲାର କହିଛନ୍ତି ଯେ, ସେ ମୁମ୍ବାଇର ନେତା ହୋଇପାରିବେ ନାହିଁ, ମୁମ୍ବାଇ ଆଉ ତାଙ୍କ ହାତରେ ନାହିଁ ।

ପ୍ରତିଦିନ ଉଦ୍ଧବ ଠାକରେଙ୍କୁ ଛାଡ଼ୁଛନ୍ତି ନେତା  

ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଦଳ ଅପରେସନ ଟାଇଗର ଚଳାଇବା ଉପରେ ପ୍ରତିକ୍ରିୟା ଦେଇ ବରିଷ୍ଠ ବିଜେପି ନେତା ଶେଲାର କହିଛନ୍ତି ଯେ, ଏଥିରେ କ'ଣ ଭୁଲ ଅଛି ? ସିନ୍ଦେ ତାଙ୍କ ଦଳକୁ ବିସ୍ତାର କରିବାକୁ ଚାହୁଁଛନ୍ତି । ଉଦ୍ଧବ ଠାକରେ ତାଙ୍କ ଦଳକୁ ବଢ଼ାଇବାକୁ ଚାହୁଁଛନ୍ତି ତେଣୁ ତାଙ୍କୁ ମଧ୍ୟ ଅଭିନନ୍ଦନ । ଆଶିଷ ଶେଲାର କହିଛନ୍ତି ଯେ, କଂଗ୍ରେସ ମଧ୍ୟରେ ସମନ୍ୱୟର ଅଭାବ ରହିଛି ।  ଉଦ୍ଧବ ଠାକରେଙ୍କ ଲୋକମାନେ ପ୍ରତିଦିନ ଦଳ ଛାଡ଼ୁଛନ୍ତି ।  ଉଦ୍ଧବ ଠାକରେ ତାଙ୍କ ଦଳରେ ସମନ୍ୱୟ ବଜାୟ ରଖିବା ଉଚିତ । ଶରଦ ପାୱାର ଏକନାଥ ସିନ୍ଦେଙ୍କୁ ସ୍ୱାଗତ କରୁଛନ୍ତି, ଉଦ୍ଧବ ଠାକରେଙ୍କୁ ଅଡ଼ୁଆ ଲାଗୁଛି ବୋଲି ଶେଲାର କହିଛନ୍ତି ।  

ମୁମ୍ବାଇ ସେମାନଙ୍କ ହାତରୁ ଖସିବାକୁ ଯାଉଛି

ଆଶିଷ ଶେଲାର କହିଛନ୍ତି ଯେ, ଆଦିତ୍ୟ ଠାକରେ ଯଦି ମୁମ୍ବାଇର ନେତା ହୋଇଯାନ୍ତି ତାହା ଯଥେଷ୍ଟ ହେବ। ମୁମ୍ବାଇ ମଧ୍ୟ ତାଙ୍କ ହାତରୁ ଖସିବାକୁ ଯାଉଛି । ଏବେ ତାଙ୍କ ହାତରେ ମୁମ୍ବାଇ ରହିବ ତ ବୋଲି ପ୍ରଶ୍ନ ଉଠୁଛି । ପ୍ରତ୍ୟେକ ଥର ଉଦ୍ଧବ ଠାକରେ ଏକନାଥ ସିନ୍ଦେଙ୍କୁ ରୋକିବାକୁ ଚେଷ୍ଟା କରିବେ, ସେଥିପାଇଁ ସେ(ଏକନାଥ ସିନ୍ଦେ) ତାଙ୍କୁ ହାଲୁକା ଭାବରେ ନ ନେବାକୁ କହିଥିଲେ। ମହାରାଷ୍ଟ୍ର ମନ୍ତ୍ରୀ କହିଛନ୍ତି ଯେ, ଦଳର ଅନେକ ନେତା ତାଙ୍କ ସମ୍ପର୍କରେ ଅଛନ୍ତି । 

ଆଲ୍ଲାହାବାଦିଆଙ୍କ ବିରୋଧରେ କାର୍ଯ୍ୟାନୁଷ୍ଠାନ 

ସେପଟେ YouTuber ରଣବୀର ଆହ୍ଲାବାଦିଆଙ୍କ ବିଷୟରେ ପଚରାଯାଇଥିବା ପ୍ରଶ୍ନରେ ସେ କହିଛନ୍ତି ଯେ, ମହାରାଷ୍ଟ୍ର ସରକାର ବହୁତ କଠୋର । ରଣବୀର ଆହ୍ଲାବାଦିଆଙ୍କ ସହିତ ଥିବା ଲୋକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି । ଏଫଆଇଆର ପଞ୍ଜିକୃତ ହୋଇଛି । ତଦନ୍ତ ମଧ୍ୟ ଚାଲିଛି । ସେ ନିଜେ ଏକ ବୈଠକ କରିଥିଲେ ବୋଲି ଶେଲାର କହିଛନ୍ତି । ମରାଠୀ ଥିଏଟରରେ ମଧ୍ୟ ସମାନ କାର୍ଯ୍ୟକ୍ରମ ଚାଲିଛି । ସେମାନେ ସେନ୍ସରରୁ ଅନୁମତି ନିଅନ୍ତି ନାହିଁ । ସେମାନେ ଟିକେଟ୍ ବିକ୍ରି କରି ଥିଏଟରରେ କାର୍ଯ୍ୟକ୍ରମ ଆୟୋଜନ କରୁଛନ୍ତି ଏବଂ ତାହା ମଧ୍ୟ ଅଶ୍ଳୀଳ । ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ଆଶିଷ ଶେଲାର ।