ଏକ କର୍ମମୟ ଦିନପରେ ଲୋକମାନେ ରାତ୍ରୀଭୋଜନ କରି ସଙ୍ଗେସଙ୍ଗେ ଶୋଇବାକୁ ଯାଇଥାନ୍ତି । ଯାହାଫଳରେ ଦିନର ସମସ୍ତ ଥକାପଣ ଖୁବଶୀଘ୍ର ଦୂରେଇବା ସହ ଆରାମ ମିଳିଥାଏ।  କିନ୍ତୁ ଅନୁସନ୍ଧାନ ଅନୁଯାୟୀ, ଏହା କରିବା ସମ୍ପୂର୍ଣ୍ଣ ଭୁଲ ଅଟେ। ଖାଦ୍ୟ ଖାଇବା ପରେ ତୁରନ୍ତ ଶୋଇବା ଶରୀର ଉପରେ ଖରାପ ପ୍ରଭାବ ପକାଇଥାଏ । ବାସ୍ତବରେ, ଖାଦ୍ୟ ଖାଇବା ପରେ ୧୦ ମିନିଟ୍ ଚାଲିବା ଦ୍ୱାରା ଆପଣଙ୍କ ପେଟରେ ଏସିଡ୍ ଉତ୍ପନ୍ନ କମିଥାଏ । କିନ୍ତୁ ଯଦି ଆପଣ ତୁରନ୍ତ ଶୋଇବାକୁ ଯାଆନ୍ତି ତେବେ ଏହା ପେଟରେ ଗମ୍ଭୀର ସମସ୍ୟା ସୃଷ୍ଟି କରିପାରେ । ବିଶେଷଜ୍ଞଙ୍କ ମତ ଅନୁଯାୟୀ, ରାତିରେ ରାତ୍ରୀଭୋଜନ ପରେ ଅତି କମରେ ଅଧ ଘଣ୍ଟା ଅତି ନିମ୍ନ ଗତିରେ ଚାଲିବା ଉଚିତ୍। 

ଖାଦ୍ୟ ଖାଇବା ପରେ ଶୋଇବାର ପରିଣାମ 

ହଜମ ପ୍ରକ୍ରିୟା ହୋଇଥାଏ ଦୂର୍ବଳ: ଖାଦ୍ୟ ଖାଇବା ପରେ ତୁରନ୍ତ ଶୋଇବା ହଜମ ପ୍ରକ୍ରିୟା ଉପରେ ଖରାପ ପ୍ରଭାବ ପକାଇଥାଏ । ଏହି କାରଣରୁ ବାନ୍ତି ଏବଂ ପେଟରେ ଯନ୍ତ୍ରଣା ସୃଷ୍ଟି ହୋଇପାରେ |

ହଜମ ପ୍ରକ୍ରିୟାରେ ସମସ୍ୟା: ଖାଇବା ପରେ ତୁରନ୍ତ ଶୋଇବା ଦ୍ୱାରା ଖାଦ୍ୟ ହଜମ ପ୍ରକ୍ରିୟାରେ ସମସ୍ୟା ଦେଖାଦେଇଥାଏ।  । ତେଣୁ ଖାଦ୍ୟ ଖାଇବା ପରେ ଅଧ ଘଣ୍ଟା ପରେ ଶୋଇବାକୁ ଯାଆନ୍ତୁ । ଅଧ ଘଣ୍ଟା ଚାଲିବା ସ୍ୱାସ୍ଥ୍ୟ ପାଇଁ ସର୍ବୋତ୍ତମ ଅଟେ ।

ଦ୍ରୁତ ଗତିରେ ବଢିଥାଏ ଓଜନ: ଖାଦ୍ୟ ଖାଇବା ପରେ ଶୋଇବା ଦ୍ୱାରା ଓଜନ ଶୀଘ୍ର ବଢିଥାଏ | ଏହି ସମୟରେ ମେଟାବୋଲିଜିମ୍ ମଧ୍ୟ ମନ୍ଥର ହୋଇଯାଏ । ଯଦି ଆପଣ ଖାଦ୍ୟ ଖାଇବା ପରେ ଏହି ଭୁଲ କରୁଛନ୍ତି, ତେବେ ଆଜିଠାରୁ ଏହା କରିବା ବନ୍ଦ କରନ୍ତୁ ।

ଶୋଇବାରେ ଅସୁବିଧା ହୋଇପାରେ: ରାତିରେ ରାତ୍ରୀଭୋଜନ କରିବା ପରେ ତୁରନ୍ତ ଶୋଇବା ଅନୁଚିତ | ଏହାଦ୍ୱାରା ଶୋଇବାରେ ବହୁତ ଅସୁବିଧା ହୋଇପାରେ । ବାସ୍ତବରେ, ରାତିରେ ଶୋଇବା ସମୟରେ ପେଟରେ ଏସିଡ୍ ଏବଂ ପିତ୍ତ ସୃଷ୍ଟି ହୋଇଥାଏ। ଯେଉଁଥିପାଇଁ ଖାଦ୍ୟ ଯାଉଥିବା ନଳୀରେ ଜଳାପୋଡା ଆରମ୍ଭ ହୋଇଥାଏ । ଏହା ଶୋଇବାରେ ଅନେକ ବାଧା ସୃଷ୍ଟି କରିଥାଏ ।

ଛାତିପୋଡା: ଯଦି ଆପଣ ଖାଇବା ପରେ ବୁଲିବା ପରିବର୍ତ୍ତେ ବିଛଣାରେ ଶୋଉଛନ୍ତି, ତେବେ ଏହା ଛାତିପୋଡାର କାରଣ ହୋଇପାରେ ।

ପେଟରେ ଏସିଡ୍ ସୃଷ୍ଟି : ଖାଦ୍ୟ ଖାଇବା ପରେ ତୁରନ୍ତ ଶୋଇବା ଦ୍ୱାରା ପେଟରେ ଏସିଡ୍ ସୃଷ୍ଟି ହୁଏ। ଯାହାଦ୍ୱାରା ଛାତିପେଡିବା ଏବଂ ଗ୍ୟାସ୍ ଭଳି ସମସ୍ୟା ସୃଷ୍ଟି କରିପାରେ ।

ଯକୃତ ପାଇଁ ଏହା ବିପଜ୍ଜନକ: ଖାଦ୍ୟ ଖାଇବା ପରେ ତୁରନ୍ତ ଶୋଇଲେ ଏହା ଯକୃତ ଉପରେ ସିଧାସଳଖ ପ୍ରଭାବ ପକାଇଥାଏ । ଯକୃତ ଉପରେ ଖାଦ୍ୟ ଶୀଘ୍ର ହଜମ କରିବାକୁ ବହୁତ ଚାପ ପଡିଥାଏ| ଏହି କାରଣରୁ, ଯକୃତର କାର୍ଯ୍ୟ ମଧ୍ୟ ବହୁତ ପ୍ରଭାବିତ ହୁଏ ।