ଭୁବନେଶ୍ୱର, ୨୯।୬: ବାସ୍ତୁ ଶାସ୍ତ୍ର ଅନୁଯାୟୀ, ସକାରତ୍ମକ ଶକ୍ତି ଯୋଗୁଁ ଘରେ ସୁଖଶାନ୍ତି ବଜାୟ ରହେ । ସେହି ଘରେ ମା' ଲକ୍ଷ୍ମୀଙ୍କ କୃପା ରହିଛି ବୋଲି କୁହାଯାଏ । କିନ୍ତୁ, ଘରେ ବାସ୍ତୁ ଦୋଷ ଥିଲେ, ଆର୍ଥିକ ସଙ୍କଟ ଦେଖାଯିବା ସହ ପରିବାର ସଦସ୍ୟ ରୋଗଗ୍ରସ୍ତ ହୁଅନ୍ତି ଏବଂ ଅଶାନ୍ତି ଲାଗିରୁହେ । ତେବେ ଏପରି ବାସ୍ତୁଦୋଷଗୁଡ଼ିକ କେଉଁ କାରଣରୁ ସୃଷ୍ଟି ହୋଇଥାଏ, ଆସନ୍ତୁ ଜାଣିବା...
- ଘରର ମୁଖ୍ୟଦ୍ୱାର ଅନ୍ଧକାର ରହିବା ଉଚିତ୍ ନୁହେଁ । ଏପରି ହେଲେ କୌଣସି କାର୍ଯ୍ୟ ହୋଇନଥାଏ । ବହୁତ ପରିଶ୍ରମ କରିବା ସତ୍ତ୍ୱେ ଲୋକ ସେମାନଙ୍କ କାର୍ଯ୍ୟରେ ସଫଳ ହୋଇନଥାନ୍ତି ।
- ସେହିଭଳି ଘରେ ଭାଙ୍ଗି ଯାଇଥିବା ଫଟୋ ଟାଙ୍ଗିବା ଅନୁଚିତ୍ । ଏହାଦ୍ୱାରା ପରିବାର ସଦସ୍ୟଙ୍କ ମଧ୍ୟରେ ଭଲ ବୁଝାମଣା ରୁହେନାହିଁ । ଏଥିଯୋଗୁଁ ବାଦବିବାଦ ଦେଖାଯାଇପାରେ । ତେଣୁ ଏଭଳି ଫଟୋ ହଟେଇ ଦିଅନ୍ତୁ ।
- ଯଦି ଜଣେ ଘରେ ଥିବା ଜୋତା, ପୋଷାକ ଆଦିକୁ ଠିକ୍ ଜାଗାରେ ନ ରଖି ଏଣେତେଣେ ପକାଉଛନ୍ତି । ଏଥିଯୋଗୁଁ, ମା' ଲକ୍ଷ୍ମୀ ରୁଷ୍ଟ ହୁଅନ୍ତି । ଏଥିଯୋଗୁଁ ଘରେ ଧନଅଭାବ ଦେଖାଯାଇଥାଏ ।
- ସେହିଭଳି ଘରର କବାଟ ଝରକାଗୁଡ଼ିକୁ ପୂରାପୂରି ଖୋଲନ୍ତୁ ନାହିଁ । ଏହାଦ୍ୱାରା ଘରକୁ ନକାରତ୍ମକ ଶକ୍ତି ପ୍ରବେଶ କରିବା ସହ ପରିବାର ସଦସ୍ୟଙ୍କ ମଧ୍ୟରେ ରାଗରୁଷା ଲାଗି ରହେ ।
- ଅନେକ ଲୋକଙ୍କର ଘରର ଟ୍ୟାପ୍ଗୁଡ଼ିକ ଖୋଲି ଦେଇଥାନ୍ତି । ଏଥିରୁ ଅନବରତ ପାଣି ବୋହିଥାଏ । ବାସ୍ତୁ ଅନୁସାରେ, ଏହା ଅତ୍ୟନ୍ତ ଅଶୁଭ ହୋଇଥାଏ । ଏଥିଯୋଗୁଁ ସ୍ୱାସ୍ଥ୍ୟ ସମସ୍ୟା ଦେଖାଯିବା ସହ ଜଣେ ମାନସିକ ସ୍ତରରେ ଦୁର୍ବଳ ହୋଇପଡ଼େ ।
- ସେହିଭଳି ରାତିରେ ପର୍ଫ୍ୟୁମ୍ ବ୍ୟବହାର କରିବା ଅନୁଚିତ୍ । ଏହାର ତୀବ୍ର ବାସ୍ନା ଯୋଗୁଁ ଘରେ ନକାରତ୍ମକ ଶକ୍ତି ପ୍ରବେଶ କରିଥାନ୍ତି ବୋଲି କୁହାଯାଏ ।
- ଘରର ପ୍ରବେଶ ଦ୍ୱାରରେ ଡଷ୍ଟବିନ୍ ରଖିବା ଅନୁଚିତ୍ । ଏହାଦ୍ୱାରା ମା' ଲକ୍ଷ୍ମୀ ଅସନ୍ତୁଷ୍ଟ ହୋଇଥାନ୍ତି ବୋଲି କୁହାଯାଏ । ଏଥିଯୋଗୁଁ ଆର୍ଥିକ ସ୍ଥିତି ବିଗିଡ଼ିଯାଏ ।
