ଶାରୀରିକ କାର୍ଯ୍ୟକଳାପ ଆମ ଶରୀର ପାଇଁ ଅତ୍ୟନ୍ତ ହିତକର । କିନ୍ତୁ ଆଜିର ଏହି ଅତ୍ୟାଧୁନିକ ଯୁଗରେ ବର୍ତ୍ତମାନର ପିଢ଼ି ଏସବୁଠୁ ଦୂରେଇ ଯାଉଛି। ନିକଟରେ ଲାନସେଟ୍ ର ଏକ ରିସର୍ଚ୍ଚରୁ ଜଣାପଡିଛି ଯେ, ଭାରତୀୟ ଜନସଂଖ୍ୟାର ପାଖାପାଖି ଅଧା ଲୋକ  ଶାରୀରିକ କାର୍ଯ୍ୟକଳାପ ପାଇଁ ସକ୍ରିୟ ନୁହନ୍ତି। ଯାହା ବର୍ତମାନ ଚିନ୍ତାର ବିଷୟ ପାଲଟିଛି। ତେଣୁ ନିକଟରେ ଲାନସେଟ୍ ଦ୍ୱାରା ହୋଇଥିବା ଏକ ଅଧ୍ୟୟନରେ ଜଣାପଡିଛି ଯେ ଭାରତୀୟ ଜନସଂଖ୍ୟାର ଅଧାରୁ ଅଧିକ ଲୋକ ଶାରୀରିକ ସକ୍ରିୟ ନୁହଁନ୍ତି । ଲାନସେଟଙ୍କ ଅଧ୍ୟୟନରେ ଭାରତୀୟମାନେ ଶାରୀରିକ ଭାବେ ଅଯୋଗ୍ୟ ହୋଇଥିବାରୁ ଉଦବେଗ ପ୍ରକାଶ କରିଛି।  ଏଥସହ ବହୁତ କମ୍ ଦିନରେ ଭାରତୀୟ ଜନସଂଖ୍ୟାର ୬୦ରୁ ଅଧିକ ଲୋକ ଶାରୀରିକ କାର୍ଯ୍ୟକଳାପ ଅଭାବରୁ ସମସ୍ୟାର ଶିକାର ହେବେ। ଗ୍ଲୋବାଲ୍ ହେଲଥରେ ପ୍ରକାଶିତ ଏହି ଅଧ୍ୟୟନରେ କୁହାଯାଇଛି ଯେ, ଭାରତର ଅଧାରୁ ଅଧିକ ଜନସଂଖ୍ୟା ବିଶ୍ୱ ସ୍ୱାସ୍ଥ୍ୟ ସଂଗଠନ  ଦ୍ୱାରା ସ୍ଥିର ହୋଇଥିବା ପର୍ଯ୍ୟାପ୍ତ ଶାରୀରିକ କାର୍ଯ୍ୟକଳାପର ନିର୍ଦ୍ଦେଶାବଳୀ ପୂରଣ କରିବାରେ ସକ୍ଷମ ନୁହଁନ୍ତି।

କ’ଣ କହୁଛି ଲାନସେଟ୍ ଅଧ୍ୟୟନ?

ଲାନସେଟ୍ ଅଧ୍ୟୟନରେ ଦର୍ଶାଯାଇଛି ଯେ, ଭାରତୀୟ ମହିଳାମାନେ ପୁରୁଷଙ୍କ ଅପେକ୍ଷା ଶାରୀରିକ ଭାବରେ ନିଷ୍କ୍ରିୟ ଅଟନ୍ତି। ପୁରୁଷଙ୍କ ମଧ୍ୟରେ ଶାରୀରିକ କାର୍ଯ୍ୟକଳାପ ୪୨ପ୍ରତିଶତ ହୋଇଥିବାବେଳେ ମହିଳାଙ୍କ ସଂଖ୍ୟା ୫୭ ପ୍ରତିଶତ ରହିଛି। ଏହାର ସ୍ପଷ୍ଟ ଅର୍ଥ ହେଉଛି ଯେ ଭାରତୀୟ ମହିଳାମାନେ ଶାରୀରିକ ଭାବରେ ସକ୍ରିୟ ରହିବାକୁ ସକ୍ଷମ ନୁହଁନ୍ତି। ୨୦୦୦ରେ ଦେଶରେ ଅପର୍ଯ୍ୟାପ୍ତ ଶାରୀରିକ କାର୍ଯ୍ୟକଳାପ ୨୨.୩ ପ୍ରତିଶତ ଥିବାବେଳେ ୨୦୨୨ ରେ ଏହା ୪୯ ପ୍ରତିଶତରୁ ଅଧିକକୁ ବୃଦ୍ଧି ପାଇଛି। ଏହା ଏକ ସ୍ପଷ୍ଟସୂଚକ ଯେ ୨୦୩୦ସୁଦ୍ଧା ଭାରତର ପ୍ରାୟ ୬୦ ପ୍ରତିଶତ ଲୋକ ଶାରୀରିକ ଭାବରେ ଅଯୋଗ୍ୟ ହୋଇଯିବେ ଏବଂ ଶାରୀରିକ ସକ୍ରିୟ ନହେବା କାରଣରୁ ରୋଗର ଶିକାର ହେବାକୁ ଲାଗିବେ।

ଚିନ୍ତା କରିବାର କାରଣ- ଯଦି ସ୍ୱାସ୍ଥ୍ୟ ଦୃଷ୍ଟିକୋଣରୁ ଦେଖାଯାଏ, ସୁସ୍ଥ ରହିବା ପାଇଁ ପ୍ରତିଦିନ ଶାରୀରିକ ଭାବେ ସକ୍ରିୟ ରହିବା ଜରୁରୀ | ସୁସ୍ଥ ରହିବାକୁ ବିଶ୍ୱ ସ୍ୱାସ୍ଥ୍ୟ ସଂଗଠନ ପ୍ରତି ସପ୍ତାହରେ ୧୫୦ରୁ୩୦୦ ମିନିଟ୍ ଶାରୀରିକ କାର୍ଯ୍ୟକଳାପ ପାଇଁ ପରାମର୍ଶ ଦେଇଛନ୍ତି | ଯଦି କେହି ୧୫୦ମିନିଟର ମଧ୍ୟମ କାର୍ଯ୍ୟକଳାପ କରନ୍ତି ନାହିଁ ତେବେ ତାଙ୍କୁ ୭୦ମିନିଟର ତୀବ୍ର କାର୍ଯ୍ୟକଳାପ କରିବା ଆବଶ୍ୟକ |

ଅର୍ଥାତ ସାମଗ୍ରିକ ଭାବରେ ଭଲ ସ୍ୱାସ୍ଥ୍ୟ ପାଇଁ ପ୍ରତିଦିନ ଶାରୀରିକ କାର୍ଯ୍ୟକଳାପ କରିବା ଗୁରୁତ୍ୱପୂର୍ଣ୍ଣ | ବିଶ୍ୱ ସ୍ୱାସ୍ଥ୍ୟ ସଂଗଠନର ମତ ଅନୁଯାୟୀ ଯଦି ଶାରୀରିକ କାର୍ଯ୍ୟକଳାପ କରା ନଯାଏ, ଶରୀରରେ ହୃଦଘାତ ଏବଂ ଷ୍ଟ୍ରୋକ୍ ଭଳି ରୋଗ, ଟାଇପ ୨ ମଧୁମେହ, ଡିମେନ୍ସିଆ ଏବଂ କର୍କଟ ଭଳି ରୋଗ ହୋଇପାରେ। ଶାରୀରିକ କାର୍ଯ୍ୟକଳାପର ଏହି ଅଧ୍ୟୟନ ପାଇଁ ଲାନସେଟ୍ ୧୯୫ ଟି ଦେଶରେ ଅଧ୍ୟୟନ କରିଥିଲେ । ଏହି ସମୟ ମଧ୍ୟରେ ଶାରୀରିକ କାର୍ଯ୍ୟକଳାପ ଏବଂ ଅନୁପଯୁକ୍ତ ସ୍ୱାସ୍ଥ୍ୟ ଦୃଷ୍ଟିରୁ ଭାରତ ବିଶ୍ୱରେ ଦ୍ୱାଦଶ ସ୍ଥାନରେ ରହିଛି |