ଭୁବନେଶ୍ୱର,୧୬/୦୨: ପୋଖରୀରେ ଗାଧୋଇବାକୁ ଯାଇଥିଲେ ୨ ସାଙ୍ଗ । ଗଭୀର ପାଣିରେ ବୁଡ଼ି ଚାଲିଗଲା ଜୀବନ । ମୃତକ ଜ୍ୟୋତିର୍ମୟୀ ବେହେରା (ଗୁଡ୍ଡୁ) ଏବଂ ରାଜେନ୍ଦ୍ର ବେହେରା ବୋଲି ଜଣାପଡ଼ିଛି । ଭଦ୍ରକ ଜିଲ୍ଲା ବାସୁଦେବପୁର ଅଞ୍ଚଳର ଗୁଆଗାଁରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଗୁଆଗାଁ ପୋଖରୀରେ ଦୁଇଜଣ ସାଙ୍ଗ ଗାଧୋଇବାକୁ ଯାଇଥିଲେ । ସେଠାରେ ଗାଧୋଇବା ବେଳେ ଗୋଡ଼ ଖସିଯିବାରୁ ପୋଖରୀର ଗଭୀର ପାଣିରେ ବୁଡ଼ି ଯାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସ ଏବଂ ଆଗ୍ନିଶମ ବାହିନୀକୁ ଖବର ଦେଇ ଯୁବକଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ । ଖବର ପାଇ ପୋଲିସ ଏବଂ ଅଗ୍ନିଶମ ବାହିନୀର ଏକ ଟିମ୍ ଘଟଣା ସ୍ଥଳରେ ପହଞ୍ଚି ଉଭୟଙ୍କୁ ପାଖରୀରୁ ଉଦ୍ଧାର କରିଥିଲେ । ହେଲେ ସେତେବେଳକୁ ଉଭୟଙ୍କ ପ୍ରାଣ ଚାଲି ଯାଇଥିଲା । ପୋଲିସ ଉଭୟଙ୍କ ମୃତଦେହ ଉଜଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।
